Фота Сяргея Гудзіліна
Пра гэта БелТА паведамілі ў Гідрамеце.
«Дзякуючы антыцыклону ў Беларусі ўстанавілася халоднае надвор'е. Тэмпература паветра на працягу мінулай ночы паніжалася і да раніцы дасягнула адзнакі 22,9 градуса марозу - гэта было зафіксавана на метэастанцыі Вілейка. Гэта пакуль самая нізкая тэмпература за цяперашнюю зіму», - распавялі сіноптыкі.
У Мінску а 6-й раніцы было мінус 15, а да 09:00 тэмпература панізілася да 16 градусаў
Пры гэтым у Белгідрамеце адзначылі, што ўжо ў бліжэйшыя дні надвор'е будзе мяняцца, тэмпература паветра пачне павышацца і наблізіцца да нуля.
«Тое, што ў нас былі плюсавыя тэмпературы ў студзені, ненармальна, а тое надвор'е, якое ўсталявалася ў апошнія дні, - як раз нармальная беларуская зіма», - падкрэслілі сіноптыкі.
