У Балівудзе ўсё як у Галівудзе. Тут ня толькі прыўлашчваюцца сюжэтныя лініі і спэцэфэкты – зь нядаўняга часу індыйскія кінаработнікі пачалі калькаваць таксама амэрыканскае абыходжаньне з працадаўцамі. Пасьля таго, як паўгоду таму ў Галівудзе ня выйшлі на працу сцэнарысты, дык сёньня 100 тысяч работнікаў індыйскай кінаіндустрыі, улучаючы актораў і танцораў, таксама пастанавілі распачаць страйк, патрабуючы лепшых умоваў працы.
«Усе здымкі былі адмененыя, паколькі прадусары ня выканалі сваіх забавязаньняў перад працаўнікамі», – зазначыў генэральны сакратар згуртаваньня працаўнікоў кінэматографу Дынэш Чатурвэдзі. Штогод індыйскімі кінастудыямі робіцца блізу 1000 стужак.
0
0
0
0
0
0
