Злучаныя Штаты ўхвалілі новыя санкцыі супраць Паўночнай Карэі ў сувязі з забойствам адзінакроўнага брата Кім Чэн Ына Кім Чэн Нама, паведамляе Reuters са спасылкай на адпаведную заяву Дзярждэпа.
Такое рашэнне, як удакладніла афіцыйны прадстаўнік ведамства Хізэр Науэрт, было прынята пасля таго, як Вашынгтонам было падрыхтавана афіцыйнае заключэнне па гэтай справе. У дакуменце гаворыцца, што ЗША прыйшлі да высновы - да забойства Кім Чэн Нама былі датычныя паўночнакарэйскія ўлады. Для здзяйснення злачынства яны выкарыстоўвалі хімічнае атрутнае рэчыва VX, упэўненыя ў Штатах. У сувязі з гэтым урад ЗША 22 лютага вырашыў прыняць «дадатковыя санкцыі ў дачыненні да Пхеньяна», адзначыла Науэрт, падкрэсліўшы, што гэтыя абмежаванні ўступілі ў сілу 5 сакавіка. Якія менавіта санкцыі яны прадугледжваюць Reuters не ўдакладняе.
