Тэлеканал «Белсат» пакажа ў эфіры святочны канцэрт Лявона Вольскага ў Беластоку 25 сакавіка. А сёння прэзентуе новы кліп, зняты «Белсатам» на песню «Героі не паміраюць».
«Гэтая песьня прысьвячаецца ўсім тым, хто змагаўся, будаваў, набліжаў, верыў, спадзяваўся і любіў… Усім тым, хто быў задоўга да нас, тым, хто ішоў поруч з намі і тым, хто пойдзе па гэтым шляху пасьля нас. Зь днём Волі! Са стагоддзем БНР! Героі не паміраюць! Жыве Беларусь!» — тлумачыць сам музыка.
Канцэрт Лявона Вольскага, прысвечаны 100-годдзю БНР, адбудзецца 25 сакавіка ў Беластоцкай філармоніі. У межах святочнага тэлемарафону «Белсат» плануе наўпроставую трансляцыю з імпрэзы. Канцэрт можна будзе паглядзець у эфіры праз спадарожнік ды на старонцы Belsat.eu. Пачатак — а 19:00.