AP
Затрыманых у Тайландзе Анастасію Вашукевіч (Насцю Рыбку) і Аляксандра Кірылава (Алекса Леслі) і астатніх фігурантаў справы аб нелегальным «сэкс-трэнінгу» ў Патаі могуць абвінаваціць у вытворчасці і распаўсюдзе непрыстойнага відэа ў інтэрнэце. Пра гэта паведамляе ria.ru са спасылкай на адваката падазраваных Сатхапхона Сіёху.
«Пакуль мне ўдалося высветліць толькі, што ў справах па новых абвінавачваннях фігуруюць відэа- і фотаматэрыялы, на аснове якіх і пададзеныя новыя заявы, і што гэтыя матэрыялы былі размешчаныя ў інтэрнэце», — заявіў Сіёха.
Паводле яго слоў, гэта падпадае пад закон аб камп'ютарных злачынствах Тайланда, пад артыкул аб вытворчасці і распаўсюдзе парнаграфічных матэрыялаў або абразлівых матэрыялаў непрыстойнага зместу.
Як адзначаецца, злачынствы такога роду караюцца турэмным зняволеннем тэрмінам да пяці гадоў у выпадку парнаграфіі і трох гадоў у выпадку абразлівых непрыстойных матэрыялаў, што публічна абражаюць асоб, адлюстраваных на відэа ці фота, і / або штрафам да 60 тыс. бат (каля $ 2 тыс.).
Адвакат дадаў, што не мае поўнага доступу да спраў па новых абвінавачваннях, таму сказаць нічога вызначана нельга.
