Зняволены папраўчай калоніі №6 у Бранскай вобласці памёр падчас катаванняў. Пра гэта ў аўторак паведамляецца на сайце рэгіянальнага следчага ўпраўлення Следчага камітэта Расіі.
Па дадзеным факце ў дачыненні да намесніка дзяжурнага памочніка начальніка папраўчай установы заведзена крымінальная справа. Ён падазраецца ў перавышэнні службовых паўнамоцтваў з прымяненнем гвалту і спецыяльных сродкаў, а таксама з прычыненнем цяжкіх наступстваў.
Паводле версіі следства, каля васьмі гадзін вечара ў нядзелю супрацоўнік калоніі закаваў зняволенага ў кайданкі, а затым пачаў душыць яго анучай. У выніку мужчына памёр ад асфіксіі. Абставіны яго смерці былі пацверджаны вынікамі судова-медыцынскай экспертызы.
Падазраваны затрыманы.
На мінулым тыдні вялікі рэзананс зрабіла відэа, як катуюць зняволенага ў яраслаўскай калоніі.