У некаторых рэгіёнах Расіі адбыўся другі тур губернатарскіх выбараў. Выглядае, што Масква вырашыла не ўмешвацца ў працэс, таму шмат дзе зафіксаваныя нечаканыя вынікі.
У прыватнасці, у Хабараўскім краі з велізарным адрывам перамог кандыдат ад ЛДПР Сяргей Фургал. Ён набраў 70% галасоў, тады як галоўны фаварыт, губернатар Вячаслаў Шпорт — толькі 28%.
У першым туры абое набралі каля 36% галасоў, мінімальная перамога была за Фургалам.
Перад выбарамі палітолагамі адназначна называлі прадстаўніка ЛДПР тэхнічным кандыдатам, які мусіў скласці ўражанне, што на выбарах існуе альтэрнатыва. Фургал не збіраўся перамагаць — пасля першага тура ён нават абвесціў, што здымае сваю кандыдатуру! Аднак цяпер менавіта яму давядзецца стаць губернатарам.
Сяргей Фургал — дэпутат Дзяржаўнай думы Расіі, а цяпер губернатар Хабараўскага края — быў перадусім вядомы дзякуючы гэтаму здымку.
На сітуацыю ўжо адрэагаваў Аляксандр Лукашэнка. Як паведамляюць расійскія тэлеграм-каналы, у віншавальнай тэлеграме гаворыцца, што «перамога Фургала сведчыць пра высокі ўзровень палітычнай канкурэнцыі і падтрымку расейцамі курсу на абнаўленне».
Лукашэнка запрасіў абранага губернатара наведаць Беларусь.