Патрыярх Канстанцінопальскі Варфаламей заявіў, што неўзабаве дасць аўтакефалію Украіне. Пра гэта ён заявіў пасля нядзельнай службы ў храме Святога Фокі Месахору ў Стамбуле.
Звяртаючыся да генконсула Украіны ў Стамбуле Аляксандра Гамануа, Варфаламей сказаў, што «надышла чарга Украіны, якая атрымае статус аўтакефаліі праз нядоўгі час, нягледзячы на існуючыя процідзеянні, і гэта будзе, бо гэта яе права».
Ён падкрэсліў, што гэтыя правы былі дадзены Усяленскімі саборамі і будуць выкананы «у выпадку з Украінай і дзе яшчэ спатрэбіцца».
17 верасня экзарх Сусветнага патрыярхату архіепіскап Памфілійскі Данііл на сустрэчы з Парашэнкам паведаміў, што пытанне аб прадастаўленні аўтакефаліі праваслаўнай царквы ва Украіне ўжо вырашана.
0
0
0
0
0
0
