Парламент Косава прагаласаваў за стварэнне рэгулярнай цяжкаўзброенай арміі сілай пяць тысяч чалавек, нягледзячы на тое, што такая мера, па словах прэм'ер-міністра Сербіі Аны Брнабіч, можа справакаваць ваеннае ўварванне з боку Бялграда, паведамляе Reuters.
Гэта рашэнне падтрымалі 105 з 120 дэпутатаў парламента. Галасаванне байкатавалі прадстаўнікі сербскай меншасці рэспублікі — на іх думку, армія дапаможа уладам Косава выціснуць рэшткі сербскага насельніцтва.
Стварэнне косаўскай арміі асудзілі ў НАТА. «Мне шкада, што гэтае рашэнне было прынята, нягледзячы на занепакоенасць НАТА, — заявіў генеральны сакратар альянсу Енс Столтэнберг. — Паўночнаатлантычны Альянс перагледзіць узровень супрацоўніцтва з Сіламі бяспекі Косава».
0
0
0
0
0
0