Аляксандр Лукашэнка расказаў аб агучаных раней прапановах па ўдзеле Расіі і Беларусі ў вырашэнні нагорна-карабахскага канфлікту на прэс-канферэнцыі з расійскімі журналістамі і блогерамі. Кіраўнік дзяржавы прапаноўваў армянскаму прэзідэнту вывесці армянскія сілы з прымежных раёнаў Азербайджана, якія знаходзяцца па-за межамі непрызнанай Нагорна-Карабахскай рэспублікі.
Аранжавы колер - самаабвешчаная Нагорна-Карабахская рэспубліка (НКР). Жоўты колер — тэрыторыя Азербайджана, якая кантралюецца армянскімі сіламі, так званы «пояс бяспекі НКР».
Кіраўнік дзяржавы адзначыў, што гэтае пытанне абмяркоўвалася яшчэ ў Ерэване на адным з самітаў АДКБ у той час, калі прэзідэнтам Арменіі быў Серж Саргсян. Ён заклікаў лідараў Арменіі і Азербайджана разам вырашыць гэтую праблему, пайшоўшы на кампрамісныя рашэнні. Пры гэтым Беларусь і Расія занялі кансалідаваную пазіцыю, у тым ліку паабяцаўшы пры неабходнасці ўвесці вайсковы кантынгент для забеспячэння пэўных гарантый.
«Потым ужо адкрыта сказаў: слухай, як яны кажуць, акупавалі 7 раёнаў. І мы з Пуціным занялі кансалідаваную пазіцыю (гэта было ў Ерэване на АДКБ): Серж, аддай гэтыя 5 раёнаў. Якая прычына не вярнуць іх, яны ж пустуюць. Ён кажа: калі я вяртаю, яны там дарогу перарэжуць, акупуюць Карабах і іншае. І мы з Пуціным дакладна паабяцалі, што мы ўвядзем свае войскі, і гэтага не дазволім (пры азербайджанцах гэта казалі). Ён сказаў: не, мы на гэта не пойдзем, мы гэтага не хочам», — адзначыў Лукашэнка.
Фота: прэс-служба прэзідэнта.
Аляксандр Лукашэнка расказаў, што для яго гэта было здзіўленнем: «Чаму не хочуць? Пустуюць 5 раёнаў. Гэта першы крок. І тады б і Азербайджан, і Арменія былі б і ў АДКБ, і ЕўрАзЭС. Гэта была ўмова, пры якой Азербайджан можа ўступіць у гэтыя арганізацыі. Чаму вы адмовіліся? Добра, Беларусь, але Расія гарантам выступіла, што ніколі там не будзе вайны, калі будуць вызваленыя гэтыя раёны, якія вы прызнаеце, што гэта азербайджанскія. Гэта не пра Карабах», — дадаў Лукашэнка.
