Вікторыя Азаранка, Арына Сабаленка і Аляксандра Сасновіч выбылі з індывідуальнага разраду Адкрытага чэмпіянату ЗША па тэнісе (US Open), але паспяхова выступаюць у парным разрадзе. Дзве з іх дабраліся да паўфіналаў.
Вікторыя Азаранка ў пары з аўстралійкай Эшлі Барці выйгралі ў 1/4 фіналу ў Тымеа Бабаш (Венгрыя) і Крысціны Младэнавіч (Францыя) — 2:6, 7:5, 6:1.
А Арына Сабаленка ў пары з Элізай Мертэнс (Бельгія) перамаглі кітаянак Сайсай Чжэн / Дуань Ін-Ін — 6:4, 6:3.
Сёння на корт выйдзе яшчэ і Аляксандра Сасновіч. Яна гуляе ў пары са славачкай Вікторыяй Кужмавай.
У выпадку перамогі ў паўфінале яны згуляюць з Азаранка і Барці.
0
0
0
0
0
0
