Фота Надзеі Бужан
Пра гэта напісала ў фэйсбуку яго мама, Таццяна Севярынец
«Свае 29, 30, 34, 35, 36, 43 сын сустрэў за кратамі: высылка ў Малое Сітна, што на Полаччыне (29, 30), 34 (Амерыканка), 35.36 (спецкамендатура ў Купліне, што на Пружаншчыне). 43- Акрэсціна… [Павел] ніколі не марыў сустрэць свой дзень народзінаў на экзатычнай выспе, у дарагім рэстаране, дзесьці на шашлыках… Марыў сустрэць яго ў вольнай незалежнай Беларусі. Я вельмі жадаю, каб твая, мой сынок, мара здзейснілася!!!», — напісала яна.
Павел 26 снежня быў адпраўлены на 15 сутак на Акрэсціна за ўдзел у акцыі супраць г.зв. «паглыбленай інтэграцыі», што прайшла ў Мінску 7 снежня. Прычым рашэнне пра арышт было прынята яшчэ тыднем раней, 18 снежня. За заклікі да ўдзелу ў акцыі Севярынца яшчэ і аштрафавалі на 1275 рублёў.