У горадзе Арцыз Адэскай вобласці мясцовыя ўлады перайменавалі бюст Карла Маркса, каб не зносіць яго ў рамках дэкамунізацыі. Пра гэта паведамляе news.liga.net са спасылкай на паўднёвы аддзел Украінскага інстытута нацпамяці.
Адзначаецца, што манумент тэарэтыку камунізму перайменавалі ў бюст паэту-рэвалюцыянеру 19 стагоддзя Хрыста Боцева.
Раней УІНП звярнуўся да мясцовай улады Адэскай вобласці з заклікам завяршыць дэмантаж помнікаў, бюстаў бальшавіцкім правадырам і іншай сімволікі таталітарнага рэжыму.
«Асобныя мясцовыя саветы фармальна ставяцца да выканання закона аб дэкамунізацыі, спадзеючыся на бескантрольнасць з боку дзяржавы. Аднак… цяпер дзяржаўныя органы будуць больш старанна правяраць яго выкананне», — гаворыцца ў дакуменце.
0
0
0
0
0
0
