Суд праходзіць анлайн
Суд Ленінскага раёна Гродна 1 ліпеня пачаў адміністрацыйны працэс над блогерам Сяргеем Ціханоўскім, піша «Радыё Свабода».
Блогера вінавацяць у непадпарадкаванні міліцыі (артыкул 23.4 КаАП).
На пасяджэнне сабралася поўная зала людзей: паплечнікі Ціханоўскага, журналісты, шмат мужчын спартовага выгляду.
Справу разглядае суддзя Юры Казакевіч. Ціханоўскага абараняе адвакат Андрэй Шчапяткоў.
«Тут іншага не прывядуць. Тут жа СІЗА», — пажартаваў Ціханоўскі, калі суд пачаў высвятляць ягоную асобу.
У выніку Сяргей Ціханоўскі атрымаў 15 сутак арышту.
Трэба зазначыць, што суд не звязаны наўпрост з крымінальнай справай, за якую Ціханоўскага прызналі палітычным зняволеным. Суда паводле крымінальнай справы (арт. 342) яшчэ не было.
0
0
0
0
0
0