Сяргей Чамбровіч

«Адкуль стралялі, не ведаем, нічога не ведаем, ідзе следства», — кажуць сваякі. 

Па інфармацыі незалежных гомельскіх журналістаў, здарэнне адбылося 9 мая ў раёне вёскі Ніжнія Жары Брагінскага раёна. Там па Дняпры праходзіць граніца з Украінай. 

Таксама паведамляецца, што беларускіх рыбакоў было двое — адзін нібыта выжыў, атрымаўшы раненне. 

Пакуль невядома, хто страляў па рыбаках. Раней у тым раёне размяшчаліся расійскія войскі, якія з Беларусі атакавалі Украіну. 

У гэты ж час у дзяржаўных медыя, якія распальваюць нянавісць да Украіны, поўная цішыня. 

Клас
1
Панылы сорам
4
Ха-ха
Ого
16
Сумна
56
Абуральна
26

Хочаш падзяліцца важнай інфармацыяй ананімна і канфідэнцыйна?