Жэстыкуляцыя і выразы твару — асобная фішка Ламэ. З 23 чэрвеня ён стаў самым папулярным тыктокерам

Хабанэ (Хабі — скарочаны варыянт імені блогера) Ламэ нарадзіўся ў 2000 годзе ў Сенегале, але праз год яго сям'я пераехала на поўнач Італіі. Хаця хлопец вырас у Турыне і заўзее за мясцовы «Ювентус», у яго дагэтуль няма італьянскага пашпарта — яго можна атрымаць толькі пры ўмове нараджэння ў Італіі.

«Мне не патрэбны кавалак паперы, каб лічыць сябе італьянцам», — кажа Ламэ і дадае, што ніколі адсутнасць грамадзянства не была для яго праблемай.

Пасля школы будучы кароль тыктоку пайшоў працаваць на завод недалёка ад Турына, але ў 2020-м поўнач Італіі пачаў палыхаць з-за каранавіруса. З-за аб'яўленнага лакдаўну Хабі застаўся без працы і быў вымушаны сядзець у бацькоўскай кватэры. 

Замест пошуку працы, Ламэ завёў тыкток і пачаў здымаць ролікі. Спачатку гэта былі стандартныя жарты, лэцплэі і мініяцюры на італьянскай мове, якія прыносілі падпісчыкаў, але не прыносілі папулярнасць.

Самы першы тыкток Ламэ

Так працягвалася да канца лістапада 2020 года, калі Ламэ зняў рэакцыю на вірусны пранк: дзяўчына не магла вызваліць нагу з веласіпеднага замка, якім яе прыкулі да клумбы.

Відэа набрала мільёны праглядаў, а каментатары дзівіліся глупству пранка і не верылі ў яго рэальнасць. Так Хабі Ламэ зразумеў, які кантэнт патрэбны гледачам, і стаў разбуральнікам бязглуздых лайфхакаў і пранкаў. 

Ён адшукваў бескарысныя парады для простых задач (часам іранічныя) і запісваў да іх адказ, у якім дасягаў патрэбнага выніку без асаблівых высілкаў. У канцы роліка хлопец закатваў вочы і расстаўляў рукі, нібыта пытаючыся: «У чым праблема зрабіць вось так?» Гэты жэст стаў фішкай Хабі Ламэ. 

Такія ролікі былі простыя ў вытворчасці і амаль не ўтрымлівалі тэксту, што рабіла іх зразумелымі па ўсім свеце. За лічаныя тыдні тыкток Ламэ набраў 10 мільёнаў падпісчыкаў, і іх колькасць пачала расці ў геаметрычнай прагрэсіі. На момант, калі ён стаў лідарам сацсеткі, у яго было 142,5 мільёна фаловераў і больш за 3 мільярды лайкаў.

Італьянскага тыктокера сёння ведаюць ва ўсім свеце, асабліва ён папулярны на радзімах, у ЗША і Бразіліі (ён часта здымаецца ў цішотках зборных па футболе гэтых краін). Часта разбураць лайфхакі Ламэ дапамагаюць сусветна вядомыя зоркі: футбалісты, гоншчыкі «Формулы-1» і спевакі. 

@khaby.lame Gracias Por Tu Ayuda Hermano @paulodybala! Grazie per il tuo aiuto fratello @paulodybala #DYBALA #learnfromkhaby #learnfromtiktok #euro2020 ♬ suono originale - Khabane lame

@khaby.lame Thanks to my uncle @alessandrodelpiero to assist me in this award ceremony with our Olympic champion#GianmarcoTamberi gold medal Tokyo #learnfromkhaby ♬ suono originale - Khabane lame

@khaby.lame Usually I always win but this time……I v waited a year for a worthy opponentYou r King #zlatanibrahimovic @Netflix #squidgame #leanfromkhaby ♬ suono originale - Khabane lame

@khaby.lame Thanks for your help my bro @Ed Sheeran . what's your favorite song of my brother ED ??#learnfromkhaby #learnwithtiktok #imparacontiktok ♬ suono originale - Khabane lame

@khaby.lame The dream of every child, Finally I met him! A Legend, a great player a wonderful person! I have no words guys look at my face. thanks @psg WHO’S YOUR FAVORITE PLAYER? #messi #lionelmessi #learnfromkhaby #learnontiktok @tiktok ♬ suono originale - Khabane lame

Ламэ не прайшоў міма падзей ва Украіне. Пасля ўварвання Расіі ён зняў антываенны ролік, у якім сыграў вайскоўца са сцягам РФ на форме.

@khaby.lame I v always used my social media to promote positive messages and this message is one of peace for all people who experience war.#nowar #peace☮️ ♬ Kosandra - Miyagi & Andy Panda

А нядаўна на цырымоніі ўручэння блогерскай прэміі ў Канах італьянец сфатаграфаваўся з вядомым украінскім катом-блогерам Сцяпанам, які з гаспадыняй уцёк з Харкава.

Папулярнасць Ламэ тлумачаць тым, што ён адрозніваецца ад іншых селебрыці, якія падыходзяць да стварэння кантэнту з усёй сур'ёзнасцю і спрабуюць уплываць на аўдыторыю, расказваючы ім, што трэба рабіць і як выглядаць. А Хабі выглядае, як звычайны хлопец, з якім у карыстальніка нашмат больш агульнага, чым з нейкімі іншымі недасяжнымі зоркамі.

Клас
28
Панылы сорам
2
Ха-ха
5
Ого
Сумна
1
Абуральна
2

Хочаш падзяліцца важнай інфармацыяй ананімна і канфідэнцыйна?

1
Андрэйка / Адказаць
03.07.2022
Цікава, дзякуй!
0
Максим Дизайнер / Адказаць
07.07.2022
Ну, все, сейчас уборщицы и кухарки в президенты попрут
Каб пакінуць каментар, калі ласка, актывуйце JavaScript у наладах свайго браўзеру