У Чачэрскім раёне мужчына ўдарыў жонку, выстраліў у яе і падпаліў хату
Учора вечарам у адной з вёсак Чачэрскага раёна 62-гадовы мясцовы жыхар падчас сваркі ўдарыў жонку. Калі тая паспрабавала ўцячы, стаў у яе страляць, паведамляе МУС.
Ахвяры ўдалося схавацца ў суседзяў. Пазней буян падпаліў свой дом і схаваўся.
У выніку ноччу амапаўцы затрымалі п'янага вяскоўца. У яго канфіскаваныя незарэгістраваны паляўнічы абрэз і нож. Агнястрэльная зброя была зараджаная двума патронамі, куркі ўзведзеныя.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
