«Міністэрства замежных спраў Грузіі выказвае глыбокую заклапочанасць у сувязі з паездкай Аляксандра Лукашэнкі ў акупаваную Расіяй Абхазію і сустрэчай з прадстаўнікамі расійскага акупацыйнага рэжыму ў Сухумі», — заявілі ў МЗС краіны.

У Грузіі паездку расцэньваюць як парушэнне дзяржаўнай мяжы.

«Міністэрства замежных спраў Грузіі асуджае парушэнне Аляксандрам Лукашэнкам дзяржаўнай мяжы Грузіі з яго так званым візітам у акупаваны рэгіён Абхазію, што груба парушае асноўныя прынцыпы і нормы міжнароднага права», — гаворыцца ў заяве.

Грузінскі бок заклікаў Беларусь паважаць суверэнітэт і тэрытарыяльную цэласнасць Грузіі.

«Заклікаем беларускі бок паважаць суверэнітэт і тэрытарыяльную цэласнасць суверэннай дзяржавы ў яе міжнародна прызнаных межах і не прадпрымаць дзеянняў, якія супярэчаць асноватворным прынцыпам міжнароднага права», — адзначылі ў МЗС Грузіі.

Звяртае на сябе ўвагу тое, што ў заяве МЗС Грузіі не выкарыстоўваецца ў дачыненні да Аляксандра Лукашэнкі тэрмін «прэзідэнт».

Прэзідэнт Грузіі Саломе Зурабішвілі таксама выказала абурэнне візітам Лукашэнкі ў Абхазію. Яна абвінаваціла яго ў парушэнні двухбаковых адносін і міжнароднага права:

«Я рашуча асуджаю візіт Аляксандра Лукашэнкі ў акупаваную Абхазію. Гэта недапушчальнае парушэнне закона Грузіі «Аб акупаваных тэрыторыях», нашых двухбаковых стасункаў і прынцыпаў міжнароднага права».

label.reaction.like
label.reaction.facepalm
label.reaction.smile
label.reaction.omg
label.reaction.sad
label.reaction.anger

Хочаш падзяліцца важнай інфармацыяй ананімна і канфідэнцыйна?

0
Жаль, конечно, этих добряков... / Адказаць
28.09.2022
Доброе утро)
2
даведка / Адказаць
28.09.2022
Лукашенко прямо так страшно, что он даже оставил дома свою "злую собаку".
Каб пакінуць каментар, калі ласка, актывуйце JavaScript у наладах свайго браўзеру