Фота: Sergei Gapon /AFP / EAST NEWS

Такія высновы можна зрабіць пры параўнанні таго, як выглядала сітуацыя з папулярнасцю тэлепраграм на пачатку вайны і ў канцы лістапада.

Замярае аўдыторыю тэлеканалаў кампанія «МедыяВымяральнік». Яна вывучае сітуацыю на медыярынку і складае ў тым ліку топ-15 самых рэйтынгавых тэлеперадач.

Што паказала даследаванне глядацкіх пераваг з 28 лютага па 6 сакавіка 

У топ-15 тэлеперадач «чыстыя» выпускі навін тады займалі першыя чатыры месцы.

Лідарам была праграма «Сегодня» на канале «НТБ-Беларусь» а 19-й гадзіне. 

«Вести» ад «Расіі-Беларусь», якія перадавалі а 17-й гадзіне, былі на другім месцы. Вячэрнія «Наши новости» ад АНТ — на трэцім.

Скрыншот: справаздача кампаніі «МедыяВымяральнік»

На чацвёртым радку — «Новости-Беларусь», якія паказвалі ў 16:50 на тэлеканале «Расія-Беларусь».

Пятую пазіцыю на пачатку вайны займалі «Итоги недели с Ирадой Зейналовой» на канале «НТБ-Беларусь».

Агулам праграмы пра палітыку (выпускі навін і прапагандысцкія ток-шоу) займалі 12 з 15-ці пазіцый у топе.

З забаўляльных перадач найбольшы рэйтынг сярод беларускіх гледачоў мела ток-шоу «Привет, Андрей!» з Андрэем Малахавым, якое трансляваў канал «Расія-Беларусь». Яно ў топе на шостым месцы. Глядзелі таксама серыял «Пёс-5» і праграму «Следствие вели» (і тое, і тое — канал «НТБ-Беларусь»).

Перадачы з навінамі ці іх абмеркаваннем былі ў топе і на кожным інфармацыйна-палітычным канале паасобку (апроч тэлеканала «Мір»).

Што зафіксавала даследаванне глядацкіх пераваг з 21 па 27 лістапада 

Лідарства ў топе захапілі забаўляльныя перадачы. 

«Привет, Андрей!» стаў самай рэйтынгавай перадачай у апошні тыдзень лістапада.

«Песни от всей души», якія перадаваў канал «Расія-Беларусь», выскачылі на другое месца. Праграма «Суперстар. Возвращение» на канале «НТБ-Беларусь» заняла трэці радок.

Скрыншот: справаздача кампаніі «МедыяВымяральнік»

З навін найлепшы рэйтынг мелі «Вести недели» ад «Расія-Беларусь» — чацвёрты радок у топе.

А замыкае пяцёрку лідараў «Поле чудес» на АНТ.

Выпускі навін і іншыя перадачы пра палітыку занялі толькі пяць радкоў з 15-ці ў топе.

Калі глядзець папулярныя перадачы для кожнага інфармацыйна-палітычнага канала асобна, то навіны на першым месцы толькі на СТБ.

У Расіі прапагандысцкія перадачы вылецелі нават з топ-50

Расійскія тэлегледачы практычна адмовіліся ад прагляду прапагандысцкіх ток-шоу, пераключыўшыся на забаўляльны кантэнт, піша тэлеграм-канал «Можем объяснить» са спасылкай на даныя кампаніі «Медыяскоп».

У першы тыдзень снежня самай папулярнай праграмай стала трансляцыя футбольнага матча паміж Францыяй і Польшчай на чэмпіянаце свету. У дзясятку патрапілі яшчэ тры футбольныя трансляцыі, а таксама «Новая бітва экстрасэнсаў».

У той жа час ток-шоу прапагандыстаў Вольгі Скабеевай і Яўгена Папова «60 минут» заняло толькі 62-е месца ў топе самых папулярных тэлепраграм. А падобныя праграмы «Время покажет», «Вечер с Владимиром Соловьевым», «Место встречи» ўвогуле не ўвайшлі ў сотню лепшых, хоць раней расіяне іх глядзелі з задавальненнем.

Чытайце таксама:

Тэлепрапагандыстам даюць дадатковую субсідыю з бюджэту

БТ: «Еўрапейскія сталіцы патанаюць у цемры». Што ж, папрасілі нашых чытачоў зняць свае гарады і вёскі

Як, на думку БелТА, выглядае карта Украіны

«Наша Нiва» — крыніца якаснай інфармацыі і бастыён беларушчыны

ПАДТРЫМАЦЬ «НН»
Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

3
Программист / Адказаць
09.12.2022
Ничего не понял
Каб пакінуць каментар, калі ласка, актывуйце JavaScript у наладах свайго браўзеру