Фота тут і далей: Realt.by
Сяміпавярховы цагляны дом пабудавалі на Вайсковым завулку, 10 у 1971 годзе.
У ім жылі ў тым ліку кіраўнікі Вярхоўнага савета БССР Іван Палякоў і Георгій Таразевіч, першы сакратар ЦК КПБ Яфрэм Сакалоў і пісьменнік Андрэй Макаёнак. І гэты дом адпавядае высокаму становішчу яго тагачасных жыхароў: абгароджаная тэрыторыя, прасторныя пад'езды, вялікія кватэры з вялізнымі вокнамі і іншыя рэчы, недаступныя тады звычайнаму жыхару савецкай шматпавярхоўкі.
Нядаўна на продаж у гэтым доме выставілі пяціпакаёвую кватэру плошчай 164 метры на чацвёртым паверсе. Плошча кухні таксама вялікая для тых часоў — 11 квадратаў.
У кватэры амаль няма мэблі, але затое можна разгледзець арыгінальнае аздабленне 1970-х.
У кватэры тры балконы (на розныя бакі) і як мінімум два санвузлы. У адным з іх можна ўбачыць нават савецкае бідэ — недаступную рэч для большасці людзей у тыя часы.
На падлозе ў кватэры — паркет. Вокны — амаль у шырыню сцяны. Столі — 2,8 метра.
За кватэру просяць 300 тысяч даляраў (1829 даляраў за метр).
![Клас Клас](https://d3rebrwga7u6ai.cloudfront.net/images/reactions/reaction-like.png)
![Панылы сорам Панылы сорам](https://d3rebrwga7u6ai.cloudfront.net/images/reactions/reaction-facepalm.png)
![Ха-ха Ха-ха](https://d3rebrwga7u6ai.cloudfront.net/images/reactions/reaction-smile.png)
![Ого Ого](https://d3rebrwga7u6ai.cloudfront.net/images/reactions/reaction-omg.png)
![Сумна Сумна](https://d3rebrwga7u6ai.cloudfront.net/images/reactions/reaction-sad.png)
![Абуральна Абуральна](https://d3rebrwga7u6ai.cloudfront.net/images/reactions/reaction-anger.png)
і гарнітур куханны пэўна не савецкай вытворчасці
тружэнікі, чо