Ліхач на БМВ справакаваў ДТЗ з трыма машынамі на МКАД, а сам не пацярпеў + фота 1

ДТЗ з трыма машынамі адбылося на МКАД у Мінску 1 жніўня, паведамілі ў аддзеле па агітацыі і прапагандзе УДАІ ГУУС Мінгарвыканкама.

У выніку сутыкнення «Рэно Эспайс» перавярнуўся. Фота forum.onliner.by

«Хонда Акорд» урэзалася ў дарожную агароджу. Фота forum.onliner.by

Аварыя адбылася каля 17.00 на 32 км мінскай абкружной. Па МКАД з боку вуліцы Мазурава ў напрамку Шаранговіча, рухаўся аўтамабіль «Рэно Эспайс». Кіроўца — жанчына 1957 года нараджэння — не справілася з кіраваннем і сутыкнулася з аўтамабілямі «Хонда Акорд» і «Опель Вектра». У выніку «Хонда» ўрэзалася ў дарожную агароджу, а «Рэно» перакулілася.

Жанчына, якая сядзела за рулём, дастаўлена ў бальніцу з закрытай чэрапна-мазгавой траўмай сярэдняй ступені цяжкасці.

Паводле паказанняў сведак, у аварыі вінаваты аўтамабіль «БМВ», які рухаўся па МКАД на вельмі вялікай хуткасці і перабудоўваўся з паласы ў паласу, апярэджваючы іншыя машыны, у тым ліку падрэзаўшы «Рэно».

На жаль, нумарныя знакі «БМВ» ніхто не запомніў.

Па дадзеным факце вядзецца следства.

БЕЛТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ