Беларусь і Ўзбэкістан у аўторак прапанавалі ААН адмовіцца ад практыкі прыняцьця рэзалюцый з асуджэньнем парушэньня правоў чалавека ў асобных краінах, калі там няма генацыду, этнічных чыстак альбо злачынстваў супраць чалавечнасьці.
Беларусь і Ўзбэкістан у аўторак прапанавалі ААН адмовіцца ад практыкі прыняцьця рэзалюцый з асуджэньнем парушэньня правоў чалавека ў асобных краінах, паведамляе цэнтар навінаў ААН.
Менск і Ташкент лічаць, што гэткія рэзалюцыі ААН дарэчныя толькі ў тым выпадку, калі ў пазначанай краіне існуе генацыд, этнічныя чысткі альбо злачынствы супраць чалавечнасьці.
Ва ўсіх астатніх выпадках гэткія рэзалюцыі носяць «перадузяты й палітычна матываваны характар», мяркуюць аўтары прапановы.
Унесены імі праект рэзалюцый Генасамблеі ААН называецца «Заахвочваньне раўнапраўнага і ўзаемапаважлівага дыялёгу па правах чалавека».