Людзі, што ж вы робіце?
Ну навошта абліваць лайном сумленных хлопцаў? Вы што, былі ў засценках лукашысцкай інквізіцыі? Асабіста зафіксавалі факт здрады? Не? Тады навошта пісаць пра тое, пра што не ведаеце?
Няўжо не разумееце, навошта афіцыёз жадае нацкаваць нас усіх адзін на аднаго? Няўжо не памятаеце, як на апазіцыйных мітынгах засланцы здымалі відэа, фоткалі, а потым на аснове ўсяго гэтага кляпалі свае фальшывыя «манеты» — «Малады Фронт — кіднэпінг» «Тэхналогія правакацый» і інш.
Ім варта і цяпер адскрыншоціць усе вашы каментары ды выкарыстоўваць іх як аснову для чарговай порцыі лайна з прыгожай назвай «Электарат праклінае сваіх кандыдатаў»?
Не гуляйце ў паддаўкі з лукашызмам!
Давайце лепш усе разам устанем на абарону тых людзей, на якіх наш афіцыёз накінуўся як галодная зверына на здабычу! Давайце скажам дружнае НЕ таму, хто зараз упіваецца пакутамі апанентаў!
Яму як манна нябесная патрэбныя нашы «наезды» на тых, за каго мы галасавалі і каго абаранялі.