Ратавальнікам спатрэбілася каля пяці гадзін, каб вызваліць няшчаснага.
Калі мужчына знаходзіўся на 10-метровай глыбіні, сценкі калодзежа абваліліся, і яго засыпала грунтам.
Ратавальнікам спатрэбілася каля пяці гадзін, каб вызваліць няшчаснага. Выкарыстоўвалася спецтэхніка, аварыйна-выратавальнае абсталяванне, шанцавы інструмент. Калі пацярпелага нарэшце дасталі з калодзежа, медыкі дыягнаставалі ў яго сіндром працяглага сціскання і моцнае пераахаладжэнне. Мужчына шпіталізаваны.
Інцыдэнт адбыўся ў вёсцы Цётча Ушацкага раёна 15 кастрычніка, паведамілі ў Віцебскім абласным УМЧС.