Фота s13.ru
Чын асвячэння верхняга храма ў гонар Сабора ўсіх Беларускіх святых у мікрараёне Вішнявец 7 лістапада ўзначаліць Мітрапаліт Мінскі і Слуцкі Філарэт, Патрыяршы Экзарх усяе Беларусі. У святочным служэнні возьме ўдзел епіскап Гродзенскі і Ваўкавыскі Арцемій, а таксама арцыбіскуп Беластоцкі і Гданьскі, епіскап Бабруйскі і Быхаўскі, духавенства Гродзенскай епархіі.
Вернікі запрашаюцца на святочнае богаслужэнне і Хросны ход.
Узвядзенне велічнага, харошага храма ў гонар Сабора ўсіх Беларускіх святых пачалося ў Гродне ў 2002 годзе і вялося на ахвяраванні вернікаў. У 2005 годзе ніжні храм царквы быў асвячоны ў гонар мучаніка немаўляці Гаўрылы, з тых часоў у ім праводзяцца набажэнствы. Асвячэнне і адкрыццё асноўнай царквы з’яўляецца доўгачаканай падзеяй для праваслаўных вернікаў Гродне.
Пры храме таксама плануецца пабудаваць парафіяльны комплекс з царкоўна-прыходскай школай, капліцай, невялікім гатэлем. Гэта асабліва актуальна, улічваючы працу з дзецьмі і моладдзю, якая вядзецца ў парафіі. Тут арганізуюць лагеры для непаўналетніх, на царкоўныя мерапрыемствы прыязджае шмат моладзі і паломнікаў. Парафіяльны комплекс зойме пустуючы ўчастак да пачатку Румлёўскага парка.
