Расійскі прэзідэнт Уладзімір Пуцін не паедзе ў ЗША на саміт "вялікай васьмёркі" у маі, пацвердзіла прэс-служба Крамля.
Афіцыйнай прычынай названая занятасць прэзідэнта: Уладзімір Пуцін у дні саміту 18--19 мая "будзе заняты фарміраваннем структуры і персанальнага складу ўрада Расіі".
Уладзімір Пуцін праінфармаваў аб гэтым па тэлефоне Барака Абаму. "З амерыканскага боку гэтая інфармацыя была ўспрынята з разуменнем", - паведамілі ў прэс-службе расійскага прэзідэнта.
У прэс-службе Крамля таксама паведамілі, што прэзідэнты дамовіліся правесці паўнавартасную двухбаковую сустрэчу на саміце "вялікай дваццаткі" 18--19 чэрвеня ў Мексіцы.
Назіральнікі адзначаюць, што, улічваючы напружанасць у адносінах дзвюх краін, Пуцін мог не захацець рабіць свой першы замежны візіт у якасці прэзідэнта ў ЗША.
0
0
0
0
0
0
