«Пошта Расіі»: з уступленнем Расіі ў СГА паток пасылак павялічыцца як мінімум у 2-3 разы
«Пошта Расіі» прагназуе значнае павелічэнне колькасці паштовых адпраўленняў з уступленнем Расіі ў СГА, заявіла кіраўнік дырэкцыі паштовых паслуг «Пошты Расіі» Марына Ганчарова.
Паводле яе словаў, гадавыя аб’ёмы перасыланых паштовых адпраўленняў могуць павялічыцца як мінімум у 2–3 разы. Але пры гэтым можна чакаць зніжэння цэнаў на прадукцыю.
Ганчарова адзначыла, што на расійскі рынак дыстанцыйнага гандлю выйдуць новыя гульцы — кампаніі, якія да гэтага былі прадстаўленыя толькі за мяжой. Гэта прывядзе да павелічэння колькасці актыўных карыстальнікаў інтэрнэт-крам на ўнутраным расійскім рынку і стане магутным стымулам для актывізацыі расійскага гандлю праз інтэрнэт.