Кіраўнік МЗС Латвіі заклікаў грамадзян не выкарыстоўваць бязвіз для паездак у Беларусь
Кіраўнік МЗС Латвіі Эдгарс Рынкевічс заклікаў грамадзян краіны ўстрымацца ад паездак па бязвізавым рэжыме ў Беларусь.
14.04.2022 / 20:30
Эдгарс Рынкевічс
«Хоць рэжым Лукашэнкі і ўвёў бязвізавы рэжым для грамадзян Латвіі і Літвы, якія наведваюць Рэспубліку Беларусь, мы заклікаем нашых грамадзян не наведваць Беларусь! Гэта небяспечна!» — напісаў ён у Твітары.
Беларусь увяла бязвізавы рэжым для грамадзян Літвы і Латвіі для наведвання сваякоў на час велікодных святаў з 15 красавіка па 15 мая.