Der Spiegel: Германія гатовая перадаць Украіне толькі 19 самых старых «Леапардаў»
Германія можа паставіць Украіне толькі 19 танкаў Leopard 2, якія выкарыстоўваюць на вучэннях для імітацыі варожай тэхнікі. Пра гэта паведамляе са спасылкай на свае крыніцы Der Spiegel.
22.01.2023 / 10:00
Танк Leopard на вучэннях НАТА ў Літве. Фота: AP Photo/Mindaugas Kulbis
Паводле інфармацыі выдання, усяго ў Бундэсверы маецца 312 танкаў Leopard 2, пры гэтым 99 па стане на сакавік 2022-га знаходзіліся ў рамонце, а адзін быў спісаны.
Па словах крыніц Der Spiegel, Украіне могуць перадаць 19 мадэляў Leopard 2A5 з уласных запасаў германскіх Узброеных сілаў. Гэтыя танкі выкарыстоўваюцца для «дэманстрацыі сіл праціўніка» падчас баявых вучэнняў, яны нібыта імітуюць варожыя танкі.