Папа Францішак дазволіў правесці першы ў гісторыі карпаратыў для кліентаў аўтамабільнай кампаніі Porsche ў будынку Сіксцінскай капэлы. Пра гэта паведамляе выданне Telegraph.
Porsche арганізавала турыстычную паездку для сваіх кліентаў. Кошт аднаго квітка — 5000 еўра. Усяго ў паездцы знаходзіцца сорак чалавек.
Пасля заключэння ўгоды з Ватыканам, яго прадстаўнікі абвясцілі пра абмежаванне наведвання Сіксцінскай капэлы турыстамі 18 кастрычніка.
Удзельнікі тура, як піша выданне, патрапяць на «цудоўны канцэрт у Сіксцінскай капэле ў зале з мазаічнымі столямі, створанымі Мікеланджэла».
Пасля канцэрта ўдзельнікам будзе прапанавана наведаць «урачыстую вячэру». Сваю трапезу яны правядуць «акружаныя шэдэўрамі вядомых на ўвесь свет мастакоў, такіх як Мікеланджэла і Рафаэль».
Прадстаўнік Porsche Travel Club адзначае, што шанец трапіць на такое мерапрыемства выпадае толькі «раз у жыцці».
Адміністрацыйны кіраўнік музеяў Ватыкана Паола Нікаліна распавёў, што магчымасць правядзення карпаратыву — гэта ініцыятыва, якая падтрымае дабрачынныя праекты Папы.
Будаўніцтва Сіксцінскай капэлы завяршылася ў Ватыкане ў 1481 годзе. Сцены царквы ўпрыгожаныя працамі многіх вялікіх мастакоў.
