Жыхара Гродна затрымалі за татуіроўку з надпісамі на ўкраінскай мове
Жыхара Гродна затрымалі за татуіроўку з лозунгам «Рабів до раю не пускають. Воля або смерть». Відэа з затрыманым апублікаваў адзін з праўладных каналаў, піша «Медыязона».
Аўтары канала сцвярджаюць, што гродзенец быў затрыманы нібыта «па паведамленні пільных грамадзян» і што «такую мазню лепш зразаць са скуры і вымываць з мазгоў перад наведваннем публічных месцаў».
Затрыманы хлопец кажа, што збіраецца звесці татуіроўку найбліжэйшым часам.
Аўтарства слогана «Рабів до раю не пускають» прыпісваюць украінскаму палкаводцу Івану Сірко, які жыў у XVII стагоддзі. Пакуль яго не прызнаваў афіцыйна «экстрэмісцкім» нават лукашэнкаўскі рэжым.
Лозунг «Воля або смерць» выкарыстоўваўся ў гісторыі ў розны час. Яго чаканілі на французскіх манетах 1792 года, выкарыстоўвалі армянскія партызанскія атрады ў канцы XIX стагоддзя, гэтыя словы ёсць і ў гімне Румыніі.
Чытайце таксама:
Затрымалі праваабаронцу Аляксандра Вайцешыка
Сілавікі затрымалі папулярнага гульнявога стрымера
Жыхара Івацэвічаў асудзілі на паўтара года «хіміі» за каментар у бок міліцыянта
