Знайсці
08.05.2024 / 11:312ŁacБел

Генконсул Украіны раскрытыкавала погляды немцаў на ролю краіны ў Другой сусветнай

Сёння ў Германіі адзначаюць Дзень вызвалення. 79 гадоў таму капітуляваў вермахт, што азначала заканчэнне Другой сусветнай вайны ў Еўропе. Да гэтай даты генконсул Украіны ў Гамбургу Ірына Тыбінка заклікала надаваць больш увагі пакутам украінцаў у 1939-1945 гадах, піша агенцтва ДПА.

Ірына Тыбінка. Фота: яе фэйсбук

Па словах дыпламаткі, нават праз 80 гадоў пераважная большасць грамадзян Германіі не ўсведамляюць глыбокую траўму, нанесеную Украіне ў той вайне. Нямецкія гісторыкі звычайна згадваюць украінцаў толькі праз супрацоўніцтва з нацыстамі, а рэпутацыю краіны-пакутніка і пераможцы прыпісваюць Расіі, мяркуе Тыбінка.

«У падручніках гісторыі ў нямецкіх школах да гэтага часу не хапае памяці аб украінскіх ахвярах Другой сусветнай вайны», — прыводзіць яе цытату Bild.

Дыпламат нагадала пра больш чым 8 млн забітых украінцаў, пра 2,5 млн паднявольных работнікаў, пра тысячы ўкраінцаў, прызнаных «праведнікамі народаў свету» за дапамогу габрэям, пра чатыры гады цяжкіх баёў ва Украіне, пра цалкам разбураныя гарады і вёскі. Усё гэта патрабуе памяці і памінання, упэўненая Тыбінка.

«Асабліва цяпер, калі сведкі той вайны адзін за адным пакідаюць нас, а новы вораг спрабуе знішчыць украінскі народ, часцяком выкарыстоўваючы старыя метады», — дадала яна.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
10
Панылы сорам
1
Ха-ха
2
Ого
0
Сумна
3
Абуральна
1
7
Влад/адказаць/
08.05.2024
Так а современные немцы каким боком к той войне? Что за опилки в головах украинских дипломатов?
0
Владислав/адказаць/
08.05.2024
Влад, не тільки німці, і не тільки сучасні:  всі цивілізовані люди мають поважати правду, і не піддаватися брехливій пропаганді. 
Українські дипломати мають рацію.  Але скрєпні юродиві не здатні цього розуміти...
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера