Dva mabilniki na try čałavieki

U červieni kolkaść karystalnikaŭ mabilnaj suviazi standarta GSM u Biełarusi ŭzrasła na 88 tys. i na pačatak lipienia pieravysiła 6 młn. 314 tys. Pra heta śviedčać źviestki, jakija pradastavili BiełaPAN apieratary sotavaj suviazi.

Kolkaść abanientaŭ STAA «Mabilnyja TeleSistemy» («MTS») za červień uzrasła na 70 tys. i dasiahnuła 3 młn. 480 tys.

Kolkaść abanientaŭ SP TAA «Mabilnaja ličbavaja suviaź» (handlovaja marka «Velcom») za minuły miesiac pavialičyłasia na 10 tys. — da 2 młn. 685 tys.

Abanienckaja baza apieratara sotavaj suviazi ZAT «BieST» pieravysiła 149 tys. Bolš za 8 tys. ź ich padklučylisia ŭ červieni.

Radyjopakryćcio «MTS» achoplivaje bolš za 80% terytoryi krainy, na jakoj žyvuć 93% nasielnictva Biełarusi. U sietcy hetaha apieratara pracujuć 2.763 bazavyja stancyi.

Zona dziejańnia sietki «Velcom» achoplivaje bolš za 78,6% terytoryi krainy, na jakoj žyvuć bolš za 93,5% nasielnictva Biełarusi (100% haradskich žycharoŭ). U sietcy «Velcom» suviaź zabiaśpiečvajuć 1.923 bazavyja stancyi.

Klijenty «Velcom» mohuć karystacca pasłuhaj mižnarodnaha roŭminhu ŭ 133 krainach u sietkach 244 GSM‑apierataraŭ, klijenty «MTS» — u 129 krainach u sietkach 221 GSM‑apieratara.

Zona dziejańnia sietki «BieST» pakryvaje 12,7% terytoryi Biełarusi, na jakoj žyvuć 48,2% nasielnictva. Kolkaść dylerskich punktaŭ prodažu i absłuhoŭvańnia — 241; kolkaść dziejnych bazavych stancyj — 232.

Alaksiej Areška, BiełaPAN

0

0

0

0

0

0