Zabudoŭnik «Bulbaš-choła» płanuje stvaryć miemaryjał «Kurapaty» 17

Na zvarot «Našaj Nivy» ŭ Minski rajvykankam z nahody budaŭnictva «Bulbaš-choła» pobač ź miescam pachavańnia achviaraŭ masavych represij pryjšoŭ niečakany adkaz.

STAA «BiełRestInviest», jakoje vystupaje zakazčykam budaŭnictva, «raspracavany kompleks mierapryjemstvaŭ pa stvareńni miemaryjała «Kurapaty». Dadzienyja mierapryjemstvy nakiravany dla zaćviardžeńnia ŭ Ministerstva kultury».

Praŭda, u liście nie rasšyfroŭvajecca, što maje ŭvachodzić u hety kompleks mierapryjemstvaŭ. Ułasna, miemaryjał — heta Hara Kryžoŭ, i jon užo jość. Plitačna-asfaltavaje dobraŭparadkavańnie tolki naškodziła b niekropalu. Historyki nie raz vystupali ź idejaj stvareńnia pobač muzieja achviaraŭ savieckaha panavańnia, ale heta vialikaja zadača, jakaja patrabuje adpaviednaha palityčnaha rašeńnia dziaržaŭnych uładaŭ.

«Naša Niva» razasłała inšyja zapyty ŭ pytańni «Bulbaš-choła» i budzie znajomić čytačoŭ z adkazami na ich.

Zhodna ź Minskim rajvykankamam, budaŭnictva «abjekta prydarožnaha servisu» ździajśniajecca ŭ miežach inviestycyjnaj damovy ad 1 sakavika 2010. A eskizny prajekt budaŭnictva byŭ ŭzhodnieny ŭ Ministerstvie kultury jašče ŭ 2006-m, zadoŭha da Łatuški. Ale taksama jak «prydarožny servis na 51-m km MKAD».

Adnak u časie budaŭnictva ideja pierarasła ŭ zabaŭlalny kompleks.

30 kastryčnika Minkultury vydała pradpisańnie na pravierku dakumientaŭ u zabudoŭnika na adpaviednaść zakonadaŭstvu. Bo vyjavili parušeńni: častkova raboty pravodzilisia ŭ achoŭnaj zonie historyka-kulturaj kaštoŭnaści. I pakul budaŭnictva spyniena.

Pra ŭźviadzieńnie restaranna-zabaŭlalnaha kompleksu «Bulbaš-choł» kala Kurapataŭ stała viadoma ŭ kastryčniku. Paśla pratestaŭ hramadskaści z budoŭli spačatku źnikła rekłama kompleksu, a ciapier pačalisia pravierki.

0

0

0

0

0

0

Siarhiej Makarevič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH