U subotu 7 lipienia 2007 h. u parafijalnym kaściole ŭ Vałožynie adbyłasia ŭračystaja śviataja Imša ŭ intencyi chutčejšaj bieatyfikacyi Słuhi Božaha Jana Paŭła II, paśla jakoj na prykaściolnym ćvintary była aśviačana fihura — simvał udziačnaści viernikaŭ Vialikamu Papu‑słavianinu. Uračystaść aśviačeńnia fihury ŭznačalili Apostalski Nuncyj u Biełarusi arcybiskup Marcin Vidavič i Apostalski Administratar Minska‑Mahiloŭskaj archidyjacezii biskup Antoni Dziamjanka.
U nabaženstvie ŭziali ŭdzieł šmat viernikaŭ z roznych parafij i vysokija hości, siarod jakich ks. archimandryt Siarhiej Hajek MIS, Apostalski vizitatar dla hreka‑katalikoŭ u Biełarusi, dypłamaty, pradstaŭniki dziaržaŭnych uład roznych uzroŭniaŭ. Akramia śviataroŭ i viernikaŭ z susiednich parafij u Vałožyn pryjechali taksama hości z susiednich dyjacezij: Hrodzienskaj i Pinskaj. Hamilija, pramoŭlenaja biskupam Antonijem Dziamjankam, była pryśviečana asobie Vialikaha Papy Jana Paŭła II.
Aśviačanaja ŭ Vałožynie fihura Śviatoha Ajca, vyšynia jakoj 2,5 mietry, była vykanany pry finansavaj padtrymcy polskaj dypłamatyčnaj misii ŭ Biełarusi. Vałožynski fihura — heta nie pieršaja pamiatka, pryśviečanaja Janu Paŭłu II u Biełarusi. Raniej skulpturnyja vyjavy Vialikaha Papy byli ŭstalavanyja ŭ Mosary i ŭ Rakavie.