U Minsk siońnia narešcie pryjšoŭ śnieh — suchi, marozny. Zavieja ŭkryła darožnuju častku biełym velumam. Na vialikich trasach mašyny raźbili śniehavoje pokryva, ale ŭsie mienš nahružanyja ŭčastki zastajucca ślizkimi.
Pieršy śnieh — padstupny. Kiroŭcy jašče nie pryzvyčailisia da zimovaha stylu vadžeńnia, Darožniki nie paśpieli naładzić rytm pasypki pałatna piaskom. A bačnaść panižanaja praz zavieju. Mienavita tamu na dzień pieršaj zaviruchi zaŭždy prypadaje najbolšaja ličba avaryj.
Śnieh na darozie pavialičvaje tarmazny šlach i vyklikaje zanos aŭtamabila, asabliva pry rezkim razhonie, tarmažeńni i na zavarotach. Adpaviedna, treba pavoli ruchacca ź miesca, staracca abychodzicca biez rezkich tarmažeńniaŭ i razhonaŭ. Aptymalnaja chutkaść pa takoj darozie — da 40 km na hadzinu, a na asabliva ślizkich kavałkach — da 20 km na hadzinu.
Na trasach, u tym liku i na MKAD, treba pilnavać, ci paśpieli darožnyja słužby pasypać pakryćcio piaskom z sollu.
Hladzi jašče: DAI nahadvaje i rekamienduje: jak pavodzić siabie na zimovaj darozie.
