Palitviazień Mikałaj Dziadok znachodzicca ŭ Mahiloŭskaj «krytaj» turmie, paviedamiŭ baćka Mikałaja Dziadka Alaksandr.
«Infarmacyju pra toje, što moj syn znachodzicca ŭ Mahiloŭskaj turmie, mnie paćvierdzili i ŭ Departamiencie pakarańniaŭ, i ŭ samoj turmie», — skazaŭ Alaksandr Dziadok.
Aktyvist anarchisckaha ruchu Mikałaj Dziadok asudžany na 4 hady źniavoleńnia za ŭdzieł u napadach na šerah budynkaŭ u Minsku. Svajoj viny nie pryznaŭ. 4 śniežnia Škłoŭski rajonny sud na vyjaznym pasiadžeńni pastanaviŭ nakiravać Mikałaja Dziadka ŭ «krytuju» turmu. Pravaabaroncy Biełarusi ličać asudžeńnie Mikałaja Dziadka palityčna matyvavanym.
5 śniežnia sud Škłoŭskaha rajona pastanaviŭ adpravić Mikałaja Dziadka ŭ turmu jak «złosnaha parušalnika režymu».
U «krytych» turmach Biełarusi ŭžo ŭtrymlivajuć palitviaźniaŭ Mikałaja Statkieviča, Źmitra Daškieviča, Mikałaja Aŭtuchoviča i Jaŭhiena Vaśkoviča.