Prezident Rasii Uładzimir Pucin na sustrečy sa svaimi davieranymi asobami zajaviŭ, što maŭzalej Lenina na Krasnaj płoščy praciahvaje tradycyi suśvietnych relihij, jakija zaklikajuć šanavać moščy śviatych.
«… Jedźcie ŭ Łaŭru, na Afon, tam moščy śviatych ludziej, i hetym sensie kamunisty tradycyju pieraniali, zrabili heta śviadoma, zrabili heta ŭ adpaviednaści z patrebami svajho času», — skazaŭ Pucin. Jon taksama vykazaŭ mierkavańnie, što mnohija pastułaty kamunistyčnaj ideałohii byli ŭziatyja z relihii.
U pryvatnaści, rasijski prezident skazaŭ, što «kodeks budaŭnikoŭ kamunizmu — heta ŭsio, što ŭ Biblii, pahladzicie: nie zabi, nie kradzi, nie pažadaj žonki bližniaha svajho, heta ŭsio tam prapisana».
Debaty pra toje, što rabić ź ciełam Uładzimira Lenina, jaki cpačyvaje ŭ maŭzalei ŭ centry Maskvy, pastajanna iduć u rasijskim hramadstvie. U krasaviku hetaha hoda Fond hramadskaj dumki pravioŭ apytańnie, vyśvietliŭšy, što za pachavańnie Lenina vystupajuć 56% rasijanaŭ, suprać — tolki 28%.
U śpis davieranych asob Pucina ŭvachodziać kala 550 čałaviek z roznych rehijonaŭ Rasii.U im, u pryvatnaści, fihurujuć imiony viadomych śpievakoŭ Stasa Michajłava, Stasa Pjechi i Nadziei Babkinaj, futbalistaŭ Andreja Aršavina, Ihara Akinfiejeva, Alaksandra Kieržakova, prakramloŭskich palitołahaŭ Dźmitryja Arłova i Siarhieja Markava.
0
0
0
0
0
0
