Na dniach hałoŭny ideolah horadu Vałožyn zahadaŭ spynić adpačynak, jaki arhanizavali vierniki carkvy Isusa Chrysta chryścijanaŭ poŭnaha Jevanhiella. Akramia hetaha, hałoŭny ideolah rajonu Aleh Bobryk chacieŭ, kab byli ŭtvoranyja śpisy dziaciej, jakija adpačyvajuć u namiotavym lahiery. Pavodle pradstaŭnikoŭ ułady, umovy arhanizacyi adpačynku j umovy žyćcia ŭ lahiery nie adpaviadajuć vyznačanym u zakanadaŭstvie Respubliki normam. Jurysty carkvy j arhanizatary namiotavaha lahieru ličyli hety zahad biespadstaŭnym i niezakonnym. Jany vyrašyli zmahacca za svaje pravy.
Siońnia arhanizatary lahieru, juryst i pastar carkvy Isusa Chrysta Barys Čarnahłaz sustrakalisia z zahadčykam pa spravach relihii Mienabłvykankamu. Pastar nam z radaściu paviedamiŭ, što lahier nia budzie začynieny: «U vyniku my atrymali pieramohu. Nam udascca da kanca zavieršyć naš namiotavy adpačynak, kudy pryjaždžajuć siemji z usioj Biełarusi. Našaja carkva pačała arhanizoŭvać adpačynak dla chryścijanskich siemjaŭ, ale my zaprašajem usich žadajučych dałučacca».
