Maskoŭski haradzki sud siońnia prysudziŭ da 11 hadoŭ źniavoleńnia byłoha milicyjanta Dźmitryja Paŭlučenkava za saŭdzieł u zabojstvie ahladalnicy «Novoj haziety» Hanny Palitkoŭskaj.Paŭlučenkaŭ taksama abaviazany sudom vypłacić u jakaści maralnaj kampensacyi siamji Palitkoŭskaj 3 miljony rubloŭ.
Sprava Dźmitryja Paŭlučenkava razhladałasia ŭ specyjalnym paradku, pakolki jon pahadziŭsia na supracoŭnictva sa śledztvam i pryznaŭ vinu. Ahladalnik «Novoj haziety» Hanna Palitkoŭskaja była zabitaja 7 kastryčnika 2006 hoda ŭ padjeździe svajho doma na Lasnoj vulicy ŭ Maskvie.
Pavodle śledztva,
niechta Hajtukajeŭ letam 2006 hodu na zamovu niavyjaŭlenaj asoby za ŭznaharodžańnie arhanizavaŭ złačynnuju hrupu z metaj zabojstva Palitkoŭskaj.U skład hrupy ŭvajšli jaho znajomyja: kiraŭnik aperatyŭnaha padraździaleńnia HUUS Maskvy Dźmitryj Paŭlučenkaŭ, były aperatyŭny supracoŭnik milicyi Siarhiej Chadžykurbanaŭ i troje bratoŭ Machmudavych.
Paŭlučenkaŭ, vykarystoŭvajučy svajo słužbovaje stanovišča, naładziŭ sakretnaje sačeńnie za Palitkoŭskaj, kab vyjavić jaje miescaznachodžańnie, rasparadak dnia i maršruty pieramiaščeńnia. Paŭlučenkaŭ taksama nabyŭ pistalet z hłušylnikam i pieradaŭ jaho vykanaŭcu zabojstva. Palitkoŭskaja była zabitaja piaćciu strełami.U jakaści ŭznaharody ŭdzielnikam złačynnaj hrupy Hajtukajeŭ pieradaŭ Paŭlučenkavu 150 tysiač dalaraŭ.
Pavodle rašeńnia sudździ Alaksandra Zamašniuka,
adbyvać pakarańnie Paŭlučenkaŭ budzie ŭ kalonii strohaha režymu. Termin budzie zaličvacca ad 23 žniŭnia 2011 hoda. Heta aznačaje, što ŭ kalonii padsudny praviadzie 9 hadoŭ i 8 miesiacaŭ.Užo praz 6 hadoŭ jon zmoža padać prašeńnie ab ŭmoŭna-daterminovym vyzvaleńni.
Raśśledavańnie adnosna astatnich fihurantaŭ spravy taksama zavieršanaje, ciapier jany znajomiacca z materyjałami spravy. Kryminalnaja sprava ŭ dačynieńni da zakazčykaŭ vydzielenaja ŭ asobnuju vytvorčaść.