Adpraŭka navabrancaŭ va Uzbrojenyja Siły, unutranyja, pahraničnyja vojski i inšyja voinskija farmiravańni Biełarusi pačniecca 16 lipienia. Ab hetym karespandentu BIEŁTA paviedamili ŭ hałoŭnym arhanizacyjna-mabilizacyjnym upraŭleńni Hienštaba Uzbrojenych Sił.
Da 31 lipienia ŭ biełaruskuju armiju praduhledžvajecca pryzvać amal 10 tys. sałdat terminovaj słužby i 3 tys. reziervistaŭ.
Adna z hałoŭnych asablivaściej hetaha pryzyvu, jak rastłumačyli vajennyja, - pryzyŭ reziervistaŭ u składzie cełych padraździaleńniaŭ. U pryvatnaści, u Połacku z reziervistaŭ budzie sfarmiravany miechanizavany bataljon.
Nahadajem, słužba ŭ reziervie była ŭviedziena ŭ Biełarusi ŭ 2004 hodzie. Reziervisty biez adryvu ad asnoŭnaj raboty niekalki razoŭ u hod prachodziać vučebnyja zbory na bazie voinskich čaściej. Prava na prachodžańnie słužby ŭ reziervie majuć maładyja ludzi pryzyŭnoha ŭzrostu (da 27 hadoŭ), dziejnaść jakich u śfiery navuki, kultury i mastactva maje važnaje značeńnie dla dziaržavy,a taksama vysokakvalifikavanyja rabočyja, śpiecyjalisty sielskaj haspadarki i pradstaŭnki šeraha inšych katehoryj.
