Minifilm pryśviečany palitrepresavanamu karespandentu "Gazeta Wyborcza" Andreju Pačobutu. Historyja, padadzienaja ŭ “Chronicy sudnaha dnia” - frahmient ahulnaje karciny i atmaśfiery pieraśledu, u jakoj pracujuć žurnalisty ŭ Biełarusi.
18 sakavika 2011 h. Hrodzienskaja abłasnaja prakuratura zaviała spravu suprać A. Pačobuta za abrazu prezidenta Biełarusi (častka 1, artykuła 368 Kryminalnaha kodeksu RB). 6 krasavika Pačobut byŭ zatrymany i ŭziat pad vartu. Suprać jaho była zaviedziena jašče adna kryminalnaja sprava – za paklop na Alaksandra Łukašenku (častka 1, artykuła 367 Kryminalnaha kodeksa RB). Praces u zakrytym režymie pačaŭsia 14 červienia u sudzie Leninskaha rajona Hrodna. 5 lipienia 2011 h. A. Pačobut byŭ asudžany na 3 hady pazbaŭleńnia voli z adterminoŭkaj vykanańnia prysudu na 2 hady.
Sud apraŭdaŭ žurnalista pa artykule “Abraza prezidenta RB”, ale pryznaŭ vinavatym u paklopie.
21 červienia 2012 h. Andrej Pačobut byŭ aryštavany doma, suprać jaho zaviedzienaja kryminalnaja sprava pa artykule “Paklop na prezidenta”. Padstavaj stali natatki Andreja ŭ błohu i jahonyja artykuły na sajtach “Chartyja-97″ i “Biełaruski partyzan”. 30 červienia Andrej byŭ vyzvaleny pad padpisku ab niavyjeździe. Apošni raz termin śledstva padoŭžany da 21 śniežnia.
