Biełarus Aleks Halčaniuk i zbornaja ZŠA vyjšli ŭ finał moładzievaha ČS pa chakiei, razhramiŭšy Kanadu 1

Na moładzievym čempijanacie śvietu pa chakiei, što prachodzić va Ufie (Rasija), vyznačyŭsia pieršy finalist. Im siońnia stała zbornaja ZŠA, jakaja ŭ paŭfinale vyjhrała ŭ Kanady — 5:1.

U finale zbornaja ZŠA zhulaje z kamandaj Šviecyi, jakaja pa bulitach vyjhrała ŭ Rasii 3:2.

Za zbornuju ZŠA vystupaje centrforvard Aleks Halčaniuk — syn biełaruskaha hulca Alaksandra Halčaniuka.

Jon naradziŭsia 12 lutaha 1994 h. u Miłuoki (štat Viskonsin).

U intervju Priessbołu Aleks u minułym hodzie kazaŭ:

«Mnie nichto nie prapanoŭvaŭ hulać za biełaruskuju zbornuju. Za ŭvieś čas ja nie razmaŭlaŭ ź nivodnym z kiraŭnikoŭ vašaj fiederacyi. Pryznacca, takoje staŭleńnie dzivić. Usie viedajuć, što pravodžu letam u Minsku pa paŭtara-dva miesiacy, ale tym nie mienš nichto nie znajšoŭ čas choć by vyjści na suviaź. Nu što ž, nie treba tak nie treba. Tym ža rasiejcam ja nie adkazaŭ admovaj, prosta daŭ zhodu amierykancam. Ni z kim nie raiŭsia — sam prymaŭ rašeńnie hulać za Biełaruś… oj, za ZŠA, viadoma ž. Usio ž Amieryka — maja radzima».

0

0

0

0

0

0

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH