Fiłosaf Uładzimir Padhoł źviarnuŭsia z adkrytym listom da biełarusaŭ, kiraŭnikoŭ partyj i hramadskich abjadnańniaŭ, členaŭ tvorčych sajuzaŭ i ruchaŭ ź inicyjatyvaj pa napisańni ahulnanacyjanalnaj dyktoŭki 2 lutaha, u dzień naradžeńnia Kastusia Kalinoŭskaha.
Jon nahadvaje, što ŭ 2013 hodzie spaŭniajecca 150 hadoŭ paŭstańniu pad kiraŭnictvam Kalinoŭskaha, stvorany arhkamitet pa śviatkavańni hetaj histaryčnaj padziei. Na dumku Padhoła, napisańnie dyktoŭki stanie adnym z krokaŭ «pratestu suprać pavolnaj zdačy suvierenitetu i padrychtoŭki budučaha supracivu pahłynańniu Biełarusi Rasijaj».
Padhoł adznačaje, što pieršym etapam dyktoŭki mahła b stać internet-demanstracyja. «Vybitnyja asoby našaha času, litaratary i mastaki, vučonyja i studenty, hramadskija i palityčnyja dziejačy mohuć vystupić ź videazvarotam da biełarusaŭ z zaklikam napisać supolna ahulnanacyjanalnuju dyktoŭku pa listach z-pad šybienicy Kalinoŭskaha i paśla zvarotu načytać znakamity tekst. Videazvaroty možna rychtavać i vystaŭlać na sajty ŭžo zaraz», — napisaŭ jen.
U dzień naradžeńnia Kalinoŭskaha Padhoł prapanoŭvaje ŭsim razam napisać dyktoŭku.
«Kožny, chto zachoča ŭdzielničać i nie zmoža pryjści ŭ ofis da siabroŭ, zmoža pisać dyktoŭku Kalinoŭskaha z
internet-sajtaŭ. Pryčym pisać zmoža z hołasu taho tvorcy, tvory jakoha lubić, a samoha tvorcu pavažaje. I tady my jašče bolš zamacujem nieŭmiručaść zvarotu Kalinoŭskaha, jaho idej i pamknieńniaŭ da svabody i niezaležnaści našaha kraju. I tady tyja, chto choča być biełarusam i chto zaklikaje „budźma biełarusami“, nabliziacca da biełaruščyny i nabliziać svaju Radzimu da jaje. Tak moža atrymacca naša biełaruskaja salidarnaść — ahulnanacyjanalnaja dyktoŭka», — napisana ŭ zvarocie.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
