Unučki Łukašenki pieramahli ŭ tvorčym konkursie pa biełaruskaj litaratury 28

18 studzienia ŭ Dziaržaŭnym litaraturna-miemaryjalnym muziei Jakuba Kołasa adbudziecca ŭračystaja cyrymonija padviadzieńnia vynikaŭ konkursu navahodnich pasłańniaŭ školnikaŭ Biełarusi da Jakuba Kołasa «Hulaj, zima, tvaja časina!..»

Jak paviedamlajuć u muziei, naprykancy jubilejnaha hoda 130-hodździa z dnia naradžeńnia narodnaha paeta Biełarusi Jakuba Kołasa muziej paeta abviaściŭ litaraturny konkurs tvorčych rabot dla vučniaŭ siarednich škoł Biełarusi. Metaj konkursu stała vychavańnie lubovi i cikavaści dziaciej da biełaruskaj litaratury i kultury, papularyzacyja tvorčaści Jakuba Kołasa, vyjaŭleńnie, padtrymka i zaachvočvańnie talenavitych školnikaŭ. Pa ŭmovach konkursu łaŭreaty atrymajuć dypłomy, hrašovyja premii i kaštoŭnyja padarunki.

Konkurs prachodziŭ z 7 śniežnia pa 10 studzienia.

Na adras žury pryjšli dziasiatki rabot z roznych rehijonaŭ Biełarusi, asnoŭnaja ich tematyka — uražańni ad zimovych kanikułaŭ, kranalnyja dziciačyja mary pra svaje płany na budučaje žyćcio, samyja saredečnyja i ščyryja prośby da dziaduli Jakuba. Tvory dziaciej aceńvalisia pa dvuch asnoŭnych uzrostavych katehoryjach: «Tvorčyja raboty małodšych školnikaŭ 1–3 kł." i «Tvorčyja raboty školnikaŭ 4–5 kł.».

U žury byli zaprošany viadomyja biełaruskija paety i dziejačy kultury — Uładzimir Lipski — staršynia žury, hałoŭny redaktar časopisa «Viasiołka», Zinaida Kamaroŭskaja — dyrektar Dziaržaŭnaha litaraturna-miemaryjalnaha muzieja Jakuba Kołasa, Anatol Butevič — namieśnik Staršyni respublikanskaha savieta pa spravach kultury i mastactva pry Saviecie Ministraŭ Respubliki Biełaruś, Michaś Paźniakoŭ — staršynia Minskaha haradskoha abjadnańnia HA «Sajuz piśmieńnikaŭ Biełarusi», Alena Masła — hałoŭny redaktar časopisa «Biarozka».

Pa rašeńni žury łaŭreatami konkursu «Hulaj, zima, tvaja časina!..» stali:

— u katehoryi «Tvorčyja raboty małodšych školnikaŭ 1–3 kł.»

1 miesca — Łukašenka Darja (2A), himnazija № 16 h. Minska, Łukašenka Nastaśsia (3V), himnazija № 16 h. Minska,

2 miesca — Klikunoŭ Aleś (2B), himnazija № 2 h. Minska,

3 miesca — Miadźviedzieŭ Jaramir (2A), himnazija № 16 h. Minska,

u katehoryi «Tvorčyja raboty školnikaŭ 4–5 kł.«:

1 miesca — Kraŭčanka Maksim (5A), himnazija № 30 h. Minska,

2 miesca — Koškin Uładzimir (5B), himnazija № 2 h. Minska,

3 miesca — Kazak Julija (4B), SŠ № 34 h. Minska,

Anikievič Uładzisłaŭ (5A), SŠ № 34 h. Minska.

Akramia taho, u kožnaj z katehoryj byli vyznačany zaachvočvalnyja naminacyi, pieramožcy jakich buduć ahučany padčas uračystaj cyrymonii padviadzieńnia vynikaŭ.

Dźmitryj Łukašenka ź siamjoj padčas naviedvańnia dziciačaha doma №1 u Minsku

Narodnaja Vola

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH