Za rabavańni i sproby zhvałtavańniaŭ asudzili na 6 hadoŭ

Za sieryju napadaŭ na žančyn asudžany 28-hadovy vadziciel pahruzčyka bresckaha pradpryjemstva.

Jak paviedamiŭ prakuror adździeła prakuratury Bresckaj vobłaści Siarhiej Haroška,

achviarami złamyśnika stali dzieviać žančyn. Złačynstvy jon učyniaŭ u ciomny čas sutak u roznych rajonach Bresta sa žniŭnia 2009 hoda pa maj 2012 hoda.

Na piaciarych jon napadaŭ z metaj rabavańnia: vyryvaŭ z ruk sumački, pakiety i ŭciakaŭ; jašče dźviuch sprabavaŭ zhvałtavać. Akramia taho, z adnoj bieraściejki padčas napadu jon sprabavaŭ źniać nižniuju bializnu, u inšaj paciarpiełaj na vakzale vykraŭ sumačku.

4 maja 2012 hoda mužčyna byŭ zatrymany i źmieščany pad vartu.

27 listapada 2012 hoda sud Leninskaha rajona Bresta pryznaŭ jaho vinavatym va ŭčynieńni złačynstvaŭ, praduhledžanych č. 2 art. 206 (rabavańnie), č. 2 art. 167 (inšyja dziejańni sieksualnaha charaktaru), č. 1 art. 339 (chulihanstva) i č. 2 art. 205 (kradziež) Kryminalnaha kodeksa. Praviedzienaja psichołaha-psichijatryčnaja ekśpiertyza jakich-niebudź psichičnych rasstrojstvaŭ u mužčyny nie vyjaviła.

Sudom jamu było pryznačana pakarańnie ŭ vyhladzie šaści hadoŭ pazbaŭleńnia voli z adbyvańniem u papraŭčaj kałonii va ŭmovach uzmocnienaha režymu.

U lik kampiensacyi maralnaha ŭronu i materyjalnaj škody jon pavinien vypłacić paciarpiełym bolš jak 14 młn. rubloŭ.

15 studzienia sudovaja kalehija pa kryminalnych spravach Bresckaha abłasnoha suda adchiliła skarhu advakata asudžanaha, pakinuŭšy pryhavor pieršaj instancyi bieź źmienaŭ, i jon nabyŭ zakonnuju siłu.

Raniej jon byŭ sudzimy za rabavańnie.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH