28 studzienia Homielski abłasny sud pačaŭ razhlad kryminalnaj spravy ŭ dačynieńni da24-hadovaha mužčyny, jaki abvinavačvajecca ŭ zabojstvie22-hadovaj studentki4-ha kursa bijałahičnaha fakulteta HDU imia F.Skaryny.
Trahiedyja zdaryłasia ŭ noč z 19 na 20 vieraśnia minułaha hoda. Apoŭnačy Natalla Jemialjančykava viartałasia damoŭ, kala padjezda na jaje z nažom napaŭ mužčyna. Jak ustanaviła ekśpiertyza, paciarpiełaja pamierła ad vialikaj straty kryvi, joj byli naniesieny 102 nažavyja ranieńni ŭ hałavu, hrudzi, šyju, ruki i nohi. Byli taksama zafiksavany pierałomy rebraŭ. Dziejańni abvinavačanaha kvalifikavany jak zabojstva z asablivaj žorstkaściu z chulihanskich namieraŭ.
Jak mienavita, abvinavačany nie rastłumačyŭ. 19 vieraśnia jon jechaŭ razam z sužycielkaj i siabram u aŭtobusie i sustreŭ Natallu. Jon viedaŭ, dzie žyvie dziaŭčyna, bo byŭ znajomy ź jaje bratam. Abvinavačany vyjšaŭ z aŭtobusa za adzin prypynak ad doma, dzie žyła paciarpiełaja, i pabieh cieraz dvary, kab kala doma Natalli dačakacca jaje. Na pytańnie dziaržabvinavaŭcy ab tym, ź jakoj metaj pabieh, mužčyna rastłumačyŭ, što z metaj zabojstva. Jon dačakaŭsia dziaŭčynu kala padjezda, a zatym nakinuŭsia na jaje z nažom.U sudzie abvinavačany vinu pryznaŭ poŭnaściu. Jon paviedamiŭ, što prykładna ŭ
červieni-lipieni 2012 hoda znachodziŭsia ź Jemialjančykavaj u adnoj kampanii, i dziaŭčyna abraziła jaho.
Na pytańnie dziaržabvinavaŭcy: «Za što vy jaje zabili?» — abvinavačany adkazaŭ: «Za niepryjaznyja adnosiny».
Žychary niekatorych damoŭ vulic Čačerskaj i Makajonka čuli kryki dziaŭčyny, chtości vyklikaŭ milicyju, jakaja prybyła apieratyŭna, ale paranienuju vyratavać nie zdoleli. Abvinavačanaha zatrymali na nastupny dzień. Siabroŭka zahinułaj apaznała padazranaha chłopca, jaki jechaŭ ź imi razam u aŭtobusie, prahledzieŭšy zapisy z kamier nazirańnia ŭ hipiermarkiecie, jaki da ŭčynieńnia złačynstva naviedvaŭ abvinavačany.
Jon raniej byŭ sudzimy za pryčynieńnie ciažkich cialesnych paškodžańniaŭ, jakija paciahnuli śmierć, — zabiŭ svajho ajčyma.Maci zahinułaj u sudzie paprasiła dla abvinavačanaha najvyšejšaj miery pakarańnia.
Pasiadžeńnie suda praciahniecca 29 studzienia dopytam śviedak.