Na hramadskim abmierkavańni prajekta było šmatludna.
Žychar doma №24 pa vuł. Ramanaŭskaja Słabada źbiraje podpisy suprać znosa budynka.
Pažyły mužčyna znajomicca z tłumačalnaj zapiskaj.
Zvarot... Kaniečnie ž, asabista da prezidenta.
Alaksandr Karžanieŭski pravodzić hałasavańnie pa ŭklučeńni pradstaŭnikoŭ hramadskaści ŭ skład pracoŭnaj hrupy. U čynoŭnikaŭ jaho ideja padtrymki nie znajšła.
Alaksandr Akienćjeŭ.
Juryj Kanzas.
Michaił Žych.
Na abmierkavańni panavała nadzvyčaj niehatyŭnaja atmaśfiera.
Ludzi nie davali čynoŭnikam rot raskryć.
Julija Bałaševič, žycharka źniesienaha doma na Ramanaŭskaj Słabadzie, Michaił Žych i Dźmitryj Laščynski.
Hramadskaje abmierkavańnie prajekta «Uniasieńnie źmienaŭ u horadabudaŭničy prajekt detalovaha płanavańnia rekanstrukcyi, restaŭracyi, adnaŭleńnia i dobraŭparadkavańnia Histaryčnaha centra Minska».
Hramadskaje abmierkavańnie prajekta «Uniasieńnie źmienaŭ u horadabudaŭničy prajekt detalovaha płanavańnia rekanstrukcyi, restaŭracyi, adnaŭleńnia i dobraŭparadkavańnia Histaryčnaha centra Minska».
Pad kaniec Žych znajšoŭ mikrafon, jaki doŭha patrabavali prysutnyja i pra jaki nie padbała Administracyja Centralnaha rajona. Mikrafon byŭ schavany za stendami z płanami prajekta.
Śpiavak Alaksandr Pamidoraŭ taksama braŭ aktyŭny udzieł u abmierkavańni.
U aŭtorak 29 studzienia ŭ Administracyi Centralnaha rajona Minska adbylisia čarhovyja hramadskija słuchańni pa prajekcie «Uniasieńnie źmienaŭ u horadabudaŭničy prajekt detalovaha płanavańnia rekanstrukcyi, restaŭracyi, adnaŭleńnia i dobraŭparadkavańnia Histaryčnaha centra Minska». Hramadskaje abmierkavańnie vyklikała sapraŭdny ažyjataž: zała była bitkom, ludzi stajali ŭ prachodach.
Dla ŭsich nie stała siurpryzam toje, što ŭvieś čas (amal dźvie hadziny), adviedzieny na abmierkavańnie, pajšoŭ na vyśviatleńnie situacyi sa znosam žyłych damoŭ, zapłanavanym u prajekcie. Mienavita žycharami takich damoŭ skłali bolšaść udzielnikaŭ abmierkavańnia.
Pierad pačatkam sustrečy žychar doma № 24 na vulicy Ramanaŭskaja Słabada hučna ahitavaŭ padpisvacca suprać znosu žyłych damoŭ. «Spynim biasčynstva, jakoje zavuć „uniasieńniem źmienaŭ“, rekanstrukcyjaj ci transfarmacyjaj.Chaj žychary sami vyrašajuć, što rabić sa svaim žyllom. Chaj prychodzić inviestar i sam damaŭlajecca z žycharami, a nie prykryvajecca rašeńniami rajonnaj administracyi i architektaraŭ. Na Zasłaŭskaj
Niejkaja žančyna nie vałodała infarmacyjaj, i spytała što žadajuć zrabić z damami. «Dom la Trajeckaha bačyli? Heta Čyž pabudavaŭ. Čyž choča našyja damy źnieści, a pabudavać svoj. Čyž, biełaruski miljarder, kašalok Łukašenki», — tłumačyŭ joj čałaviek.
«Jon histaryčny sam? Jon dažyŭ da histaryčnaj kaštoŭnaści? Kali dažyŭ i choča pabudavać niešta histaryčnaje na miescy vašych damoŭ, ja za znos. A kali
Narešcie pačałasia sustreča. Ale
staršyni pracoŭnaj hrupy, namieśniku kiraŭnika Administracyi Centralnaha rajona, ledźvie dali začytać da kanca skład členaŭ pracoŭnaj hrupy. Inicyjatyvu nadoŭha pierachapiŭ Alaksandr Karžanieŭski, «žychar histaryčnaha centra, doma na vulicy Revalucyjnaj, 24», jak jon pradstaviŭ siabie.
Karžanieŭski raskazaŭ, što ich dom ciaham užo 20 hadoŭ namahajucca vysielić, pryznać avaryjnym pa sfalsifikavanych dakumientach. Karžanieŭski spytaŭ, čamu ŭ pracoŭnuju kamisiju pa hramadskim abmierkavańni nie ŭklučyli pradstaŭnikoŭ hramadskaści i adrazu ž i prapanavaŭ, zhodna ź dziejnym zakanadaŭstvam, uvieści ŭ skład kamisii staršyni Tavarystva achovy pomnikaŭ Antona Astapoviča i jašče niekalkich čałaviek. Zała zaapładziravała i adzinahłasna padtrymała inicyjatyvu pad čas impravizavanaha hałasavańnia.
Arhanizatary nie padtrymali taki zachad arhumientam pra nieabaviazkovuju najaŭnaść pradstaŭnikoŭ hramadskaści ŭ kamisii i zaćvierdžanaść kamisii administracyjaj rajona, ale dałučyli hetuju prapanovu da pratakoła pasiedžańnia. Paśla hetaha ŭ zale pačaŭsia sapraŭdny «bazar» z haračymi sprečkami nakont zakonnaści takoj arhanizacyi schodu.
Pavietra prosta «vybuchała» niehatyvam i adkrytaj nianaviściu da «pradstaŭnikoŭ dziaržavy».«Dy chto jany takija?» «My, napeŭna, im pieraškadžajem vyrašyć usio
Praz 10 chvilin hamarni słova ŭsio ž uziaŭ hałoŭny inžynier «Minskaj spadčyny» Michaił Žych.
«Ja vielmi rady, što hety prajekt vyklikaŭ taki rezanans. Ja chacieŭ by ad našaha abmierkavańnia atrymać šmat abhruntavanych prapanovaŭ, jakija lahuć u asnovu hetaha prajekta, bo jon zakranaje intaresy ŭsich žycharoŭ stalicy Respubliki», — skazaŭ Žych. «I intaresy miascovych žycharoŭ buduć zakranutyja tolki ŭ ramkach pavyšeńnia kamfortu žycharoŭ za košt dobraŭparadkavańnia terytoryi, za košt ciepłavoj madernizacyi i pavyšeńnia stupieni nadziejnaści inžyniernych kamunikacyj».
Jon paviedamiŭ, što ŭžo byli praanalizavany i sistematyzavany zaŭvahi i prapanovy, atrymanyja paśla pieršaha schodu pa abmierkavańni prajekta, i ŭ absalutnaj bolšaści vypadkaŭ usie cikaviacca prablemami žytła. Žych uzhadaŭ, što sam žyvie ŭ Centralnym rajonie i potym doŭha zaŭpeŭnivaŭ raźjušanych ludziej pra adsutnaść padstavy dla chvalavańniaŭ — ich damy nichto nie źbirajecca znosić, bo znos nie praduhledžany prajektam.
Pa słovach Žycha, papiarednieje rašeńnie było pryznana pamyłkovym i ŭžo skarektavana. Paśla zakančeńnia hramadskaha abmierkavańnia 31 studzienia ŭsie prapanovy buduć uličany, sistematyzavany, a na ich asnovie padrychtavana zadańnie da UP «Minskhrada» skarektavać prajekt.
Heta stała sapraŭdnym «spuskavym kručkom»: ludzi patrabavali dać im nie vusnaje abiacańnie, a papieru, piśmovy, materyjalny dokaz taho, što jany zastanucca ŭ svaich kvaterach.
Chto skardziŭsia i na što
«NN» sastaviła ścisły śpis žycharoŭ budynkaŭ, jakija trapili pad «katok» rekanstrukcyi histaryčnaha centra Minska. Jany i pryjšli adstojvać svaje žyłpłoščy na abmierkavańni.
Čatyry damy (18, 20, 22 i 24) z kvaterami «nizkich spažyvieckich jakaściaŭ na Ramanaŭskaj Słabadzie, « jakija zapłanavana «transfarmavać u
Kamsamolskaja, 24, dzie žyvie Karžanieŭski. Žych skazaŭ što adsialeńnie na hetaj vulicy ŭžo skončana, čym vyklikaŭ abureńnie žychara. Hałoŭny inžynier «Minskaj spadčyny» prapanavaŭ patrabavać adkaz ad adminstracyi rajona.
Damy na vulicy Rakaŭskaj padlahajuć kapitalnamu ramontu z zamienaj usich kamunikacyj. Žych skazaŭ, što prajekt detalovaj płaniroŭki (PDP), jaki abmiarkoŭvajuć na schodzie, nie maje ničoha supolnaha z pytańniami kapitalnaha ramontu, jakim pavinna zajmacca ŽREA. «Kali ŽREA znojdzie hrošy, budzie kapramont. Nie znojdzie — buduć inšyja krynicy finansavańnia». «Kaniečnie, inviestar, jaki nas usich vysielić!» — kryčali ŭ adkaz žychary.
Kamsamolskaja, 14. Žychary pytalisia, što budzie z domam. Pa słovach Žycha, dom u «vydatnym stanie, akramia pieršaha paviercha», jaki ciapier madernizujuć, tam adčynilisia kramy. A na kapitalny ramont astatnich pavierchaŭ ŽREA nijak nie moža znajści hrošaj.
Haradski Vał, 10. Žycharka skardziłasia, što byŭ źniščany domik 1870 hoda, a na jaho miescy ŭžo 22 hady budujuć i nijak nie dabudujuć hatel. A sam dom padpadaje pad rekanstrukcyju i chacieła daviedacca, što budzie z žycharami. Žych adkazaŭ, što aŭtar prajekta [architektar Akienćjeŭ] dapuściŭ šerah pamyłak i hatovy paprasić prabačeńnia, a taksama skazaŭ, što žyły fond u histaryčnaj častcy nie padlahaje znosu. Ale ludzi sustreli hetuju zajavu vialikim niedavieram.
Mielnikajte, 12. Sastarełaja žycharka raskazała, što ź nievialikaj prybudovy da ich doma prapanujuć zrabić
Budynak pamiž Mielnikajte, 12, i Špalernaj, 4. Žycharka zajaviła, što prosta ŭ dvarach płanujuć pabudavać niejki restaran, u toj čas kali pažarnyja mašyny nie mohuć padjechać da damoŭ. Namieśnik kiraŭnika rajonnaj administracyi Dźmitryj Laščynski zaŭvažyŭ, što prajektavańnie hetaha inviestycyjnaha abjekta časova spyniena, a «Minskhrada» raspracoŭvaje horadaekanamičnaje abhruntavańnie dla mahčymaha inviestprajekta na placoŭcy.
Rakaŭskaja, 36. Žycharka, byłaja prajektoŭnica, paviedamlaje pra zapłanavanuju prybudovu da žyłoha doma. Na pieršym paviersie — kaviarnia, na inšych kvatery. «Ale vakoł doma ŭžo pracujuć 12 kaviarniaŭ», — kaža jana. «A vy bačyli toj dvor? Paśla realizacyi prajekta jon źniknie!»
Praśpiekt Pieramožcaŭ 1, korpus 2. Udzielniki zaŭvažyli, što navat paśla kapitalnaha ramontu hety dom adsutničaje na płanie. Žychary bajacca, što kvatery ŭ domie pierarobiać pad ofisy.
Vystup hałoŭnaha architektara UP «Minskhrada» Alaksandra Akienćjeva nie staŭ «razynkaj» viečara.Akienćjeŭ zdavaŭsia stomlenym, havaryŭ cichim hołasam, dyj ludzi, vykryčaŭšysia, jaho nie vielmi słuchali. Ludzi zbolšaha imknulisia vyśvietlić adnosiny z zakazčykam prajekta Žycham ci pradstaŭnikom administracyi Laščynskim.
Akienćjeŭ patłumačyŭ što hałoŭnaja zadača dadzienaha prajekta — źmianić funkcyi ŭsich pieršych pavierchaŭ zabudovaŭ na terytoryi histaryčnaha centra Minska. Akienćjeŭ nahadaŭ, što heta suśvietnaja praktyka pracy ŭ histaryčnym centry. Ale Žych nie pahadziŭsia z architektaram i skazaŭ, što «Akienćjeŭ, napeŭna, žyvie daloka za miažoj, bo takoje rašeńnie ŭ RB možna pryniać tolki sa zhody žycharoŭ».
«Našyja pierśpiektyŭnyja płany paśla 2017 hoda — zabieśpiačeńnie ŭsich damoŭ dvaravymi terytoryjami. A ŭ płanach da 2017 hoda paznačany znos tolki adnaho budynka — škoły № 44, na miescy jakoj budzie adnoŭlena vulica Novamiaśnickaja», — zapeŭniŭ Akienćjeŭ.Adrazu ž padniałasia chvala pratestu suprać znosu škoły. Jaje ačoliŭ deputat Minskaha haradskoha Savieta deputataŭ Juryj Kanzas. Pradstaŭniki dziaržavy paabiacali abmiarkavać hety prajekt. Taksama Akienćjeŭ dadaŭ, što patencyjał uščylnieńnia Ramanaŭskaj Słabady — jašče 30%.
«Źnieści administracyju!»
Padsumoŭvajučy słuchańni, možna skazać, što hramadstva tatalna nie davieraje nijakim pradstaŭnikam ułady, a prajekt rekanstrukcyi histaryčnaha centra Minska ŭsprymaje jak płan pieradziełu kaštoŭnaj ziamli.
Luboje słova čynoŭnikaŭ sustrakałasia jak minimum kpinami, a lubaja krytyka z boku hramadskaści, navat zakliki da prymianieńnia fizičnaj siły — avacyjami.
«Usie chočuć mienavita ŭ centry siadzieć svaimi s…kami. Za apošnija 18 hod u Minsku było źniščana bolej, čym pry kamunistach», – zajaviŭ śpiavak Alaksandr Pamidoraŭ, jaki taksama žyvie ŭ hetym kvartale. Akramia taho, u zale my zaŭvažyli žycharoŭ rajona pravaabaroncu Siarhieja Sysa, paeta Andreja Bursava, palitołaha Ihara Drako.
«U krainie čynicca biezzakońnie, i słovy Žycha nakiravany tolki kab supakoić. Pravilna, siońnia vas nie źniasuć, zaŭtra vas nie źniasuć, ale paślazaŭtra vy daviedajeciesia, što vaša majomaść užo nie vaša zhodna z rašeńniem administracyi. A potym tre budzie chadzić na pakłon da Laščynskaha, kab prapisać
«Minskuju spadčynu», «Minskhrada», rajonnuju administracyju abvinavačvali ŭ tym, što jany «źniaviečyli Minsk horš za fašystaŭ», što «žadajuć razabracca ź ziamloj da ŭstupleńnia ŭ siłu novaha Žyllovaha kodeksa i novych normaŭ pieradačy žylla ŭ inšaje karystańnie».
U adkaz na mahčymy znos damoŭ udzielniki prapanavali adnavić na miescy budynka Administracyi Centralnaha rajona stary Jubilejny rynak.
Čynoŭnikaŭ takaja nianaviść złavała. Raźjušany Žych navat prapanavaŭ Karžanieŭskamu adkazać za abvinavačvańni na adras «Minskaj spadčyny» ŭ sudzie.
U vyniku žychary razyšlisia z namieram i dalej zmahacca za svaju majomaść. Pry hetym tolki adzinki prynieśli piśmovyja prapanovy, miž tym tolki jany buduć pryniatyja da razhladu. Zatoje amal kožny padpisaŭ pietycyju suprać znosu damoŭ.
Hramadskaje abmierkavańnie prajekta praciahniecca da 31 studzienia 2013 hoda.Paśla ŭsie zaŭvahi i prapanovy buduć praanalizavany i sistematyzavany. Na asnovie hetaha budzie «Minskaja spadčyna» padrychtuje zadańnie na karekciroŭku isnujučaha płana i nakiruje jaho ŭ «Minskhrada».
Svaje zaŭvahi ci prapanovy Vy možacie dasyłać u Administracyju Centralnaha rajona horada Minska pa adrasie 220004, h. Minsk, vuł. Mielnikajte, 6, ci pakłaści takuju prapanovu ŭ adpaviednuju skryniu na3-m paviersie administracyi.
