Vysoki konkurs na stamatałahičnyja fakultety mieduniviersitetaŭ lohka rastłumačyć: stamatałohija — adnaja z samych «hrašovych» śpiecyjalnaściaŭ, a lačeńnie zuboŭ jomka bje pa biudžecie. I dobra, kali treba ŭsiaho tolki pastavić płombu. Kali ž patrebna pratezavańnie, čakaj vialikich vydatkaŭ.
U Minsku prablem z vybaram stamatałahičnych pasłuh niama. Ale ŭsim viadoma, što ŭ stalicy ceny zvyčajna vyšejšyja. Dyk moža jość sens vyjechać pa tannuju stamatałohiju ŭ nievialikija harady? «NN» paraŭnała košty na niekatoryja pasłuhi dantystaŭ u Minsku i abłasnych haradach, kab daviedacca, ci jość u hetym sens.
Jechać ci nie?
Miedycynski turyzm z krain SND u Biełaruś vielmi raźvity. Šmatlikija stamatałahičnyja kliniki adkryta hanaracca hetym i prapanujuć jeŭrapiejskuju jakaść pa cenach u 2–2,5 razoŭ nižejšych za rasijskija. Adnak stanavicca «stamatałahičnym turystam» ź Minska ŭ rehijony naŭrad ci maje sens: zrazumieła, ceny ŭ rehijonach mienšyja i palačyć, vyrvać zub možna na 20 000 tańniej, ale treba dadać košt prajezdu, a taksama pamiatać, što lekavańnie zuboŭ — heta miedycynskaje ŭmiašalnictva, jakoje moža mieć niepryjemnyja uskładnieńni. I pahadziciesia, lepš pieranieści ich pobač z domam.
Aščadzić
Vybar stamatołahaŭ: parady
Lubomu čałavieku davodzicca
1) Uvažliva analizujcie ceny. Nie dumajcie, što cana na sajcie — heta mienavita toje, što vy zapłacicie ŭ vyniku. Ceny na stamatałahičnyja pasłuhi mocna vahajucca ŭ zaležnaści ad abjomaŭ i składanaści pracy. Tak, cana na płambavańnie adnaho zuba moža znachodzicca ŭ pramiežku ad 150 da 400 tysiačaŭ, i vielmi małavierahodna, što vy zapłacicie «pa minimumie». Bolš dakładny košt stamatołah pieviedamić tolki paśla ahladu.
2) Udakładniajcie, što ŭvachodzić u ceny. Nizkaja cana, naprykład, na patrebnuju karonku moža vyhladać pryvabna, ale ŭ jaje moža nie ŭvachodzić patrebnych dla pratezavańnia pracedur: źniaćcia źlepka, h.d. Tamu ŭvažliva vyśvietlicie pačatkovy košt usiaho kompleksu patrebnych pracedur.
3) Na kansultacyi zadavajcie šmat pytańniaŭ. Udakładnicie, jak budzie prachodzić pracedura, jakija materyjały buduć vykarystanyja, nakolkija jany nadziejnyja i jak dahladać zub dalej. Klijentaarentavanaja kampanija zaŭsiody «raskładzie ŭsio pa paličkach»: vialiki šans, što zadavoleny klijent paraić pasłuhi inšym.
4) Nie daviarajcie rekłamie i vodhukam u internecie. Pasprabujcie daviedacca, jak doŭha isnuje centr, spytajciesia pra kvalifikacyju śpiecyjalistaŭ centra, u jakim vy płanujecie lačycca, ich staž, najaŭnaść usich patrebnych siertyfikataŭ. Samaja blizkaja da domu stamatałohija — taksama drenny kryter.
5) Kali žadajecie zekanomić, źbiarycie infarmacyju pra maksimalna vialikuju kolkaść stamatałahičnych klinik: u adnoj ź ich možna tańniej abśledavacca, u druhoj — zrabić zdymak, u treciaj — atrymać lačeńnie pa prymalnaj canie.
