93+
Skarystacca ahramadnym hulniavoj, terytaryjalnaj i kolkasnaj pieravahaj tak i nie atrymałasia. Vielmi kryŭdnaja ničyja - 0:0. Tym nie mienš, šancy na vychad u nastupny raŭnd zastajucca. Da pabačeńnia!
90-aja
Vaładźko dałučyŭsia da hrupy futbalistaŭ BATE, što nie skarystali svaim šancam. Sudździa dadaje try chviliny.
87-aja
Fanaty raździelisia pa torsu. Navat hladzieć na ich chałodna.
81-aja
Takoha šansu moža ŭžo i nie być. Radzivonaŭ nie zmoh ź niekalkich mietraŭ prakinuć miač mima varatara. Vałkan Demierel na vyšyni.
79-aja
Hleba źmianiŭ Kurłovič. Minułaje i budučynia biełaruskaha futboła.
73-aja
Druhi pavierch turkam prajhrajem uščent. A miač uparta nakiroŭvajuć u štrafnuju płošču pavietram.
70-aja
«Napierad, Barysaŭ», — čuvać z trybunaŭ. Nie, niama hoła. Turki nie zdajucca. A mianiajucca marudna—marudna. Pamianiali simulanta Viebo.
67-aja
Radźkoŭ dahulaŭsia da papiaredžańnia.
62-aja
Niečakany pas u štrafnuju. Paŭłaŭ moh udaryć bolš chitra. Chłopcy, zaŭziataram chałodna. Jany čakajuć hoła. Niebiaśpiečny štrafny na linii štrafnoj «Fienierbachče». Na žal, ničoha ź jaho nie vycisnuli. Harbunoŭ sprabuje nie źmierznuć. Zamiest Bahi vyjšaŭ Dźmitryj Mazaleŭski. Druhi forvard.
55-aja
Sumnavata na poli. BATE atakuje, ale biez asablivaj vastryni. Choć by abrezku jakuju nie prapuścić, u abaronie varta być vielmi pilnym.
49-aja
Kryŭdna budzie, kali adhulajem uvieś matč u bolšaści i tak nie skarystajemsia hetym.
46-aja
U pierapynku hledačam prapanavali tureckija śpievy. Cikavy vybar. Pačynajecca druhaja pałova hulni. Treba pieramahać.
Adbyłasia zamiena: Rudzika pamianiali na Paŭłava. Nie budu aryhinalnym: rudy na ŭdaču?
46+
Užo ŭ kampiensavany arbitram čas. Rudzik upuskaje realnuju mahčymaść syści na pierapynak u dobrym nastroi. Adpačynak 15 chvilin. Paśla praciahniem — 0:0.
43-aja
Harbunoŭ va ŭłasnaj štrafnoj demanstruje hieraizm. Z kipieram usio narmalna — praciahvajem.
39-aja
Viebo valicca i valicca, a sudździa nie viadziecca. Padymajsia, chłopča, ničoha nie było. Možna rasšyfravać jaho žest. Nie skazać, što hulnia nadta viasiołaja, chutčej, naadvarot.
35-aja
Zdajecca, što BATE prybraŭ inicyjatyvu da svaich noh. Praŭda, u zabityja hały heta pakul nie materyjalizavałasia — 0:0.
32-aja
Pa miaču, što lacieŭ biŭ Rudzik. Kali b trapiŭ u dziaviatku było b vielmi pryhoža, a tak Vałkan Demierel zabiraje miač na stužcy varot. Hulajem dalej. Chaładaje.
29-aja
Na poli ŭsio spakojna, tym časam pieršyja zdymki ad Siarhieja Hudzilina vašaj uvazie.
24-aja
«Vitalik, zabivaj, chopić mučać nas», — čujecca z trybun zvarot da Radzivonava.
20-aja
Krystyjan upieršyniu prymusiŭ uziacca zaŭziataraŭ za hałavu. Było niebiaśpiečna, ale mima. Turecki futbalist znoŭ simuluje, trybuny nie adabrajuć: «Vynasi». Toj samy Viebo, jaki ŭžo atrymaŭ kartku za karcinnaje padzieńnie.
17-aja
Užo tracinu tajma zhulali, a niebiaśpiečnych momantaŭ niama ni la čyich varot. Hleb biŭ za miežaŭ štrafnoj, ale prosta ŭ ruki bramniku. U Hleba prosta śviata niejkaje, stolki ŭdaraŭ:)
13-aja
Źviartaje ŭvahu adsutnaść u centry barysaŭskaj abarony Simiča, jaki pierajechaŭ jakraz u turecki čempijanat. Dzirki čas ad času ŭźnikajuć.
Fanaty zaciahnuli «Kaciušu».
11-aja
Irłandski refiery praciahvaje ździŭlać. Pjer Viebo atrymaŭ papiaredžańnie za simulacyju. Niezdarma tak čas lubiać paraŭnoŭvać biełarusaŭ ź irłandcami:)
9-aja
Darečy, sfaliŭ zorny partuhalec Miejreleš na Hlebu. Voś tak adnoj zorkaj na hazonie stała mieniej. Tym nie mienš, «kanarejki» atakujuć čaściej.
7-aja
Ciapier hałoŭnaje pytańnie — ci zmoža BATE realizavać kolkasnuju pieravahu. Futboł — heta nie chakiej (Kapitan Vidavočnaść ©) Tut pieravaha ŭ składzie nie tak istotna. Ale turkam daviadziecca pierastrojvacca — heta adnaznačna.
Pieršy štrafny la varot BATE skončyŭsia vynasam miača.
5-aja
Afihieć! Inšych słovaŭ niama. Užo na
3-aja
Pieršy momant u hulni stvaryli futbalisty BATE. Radzivonaŭ na miažy štrafnoj pazmahaŭsia za miač. Skinuŭ jaho Hlebu. Toj — mima.
1-aja chvilina
Pačynajem! Razvodziać turki.
21:01
Ludzi ŭstajuć pad himn Lihi Jeŭropy. U Minsku navat pad himn Lihi čempijonaŭ nie ŭsie ŭstajuć.
Voś i turecki siektar staŭ čuvać. Ich čałaviek 200, kali nie bolej. Cikavaja budzie pieraklička.
Fotki na pamiać, i možna pačynać.
20:59
Fanacki siektar BATE vielmi aktyŭny. Tancujuć, śpiavajuć. «Vialiki, mahutny». A voś turkaŭ pakul nie čuvać. Zatoje ŭ
Futbalisty vychodziać na pole. A miescy zaniatyja jašče nie ŭsie. Prapusknaja sistema vielmi strohaja, navat žurnalisty zmahli ŭ hetym pierakanacca.
20:57
U Stambule jość vialikaja trojka kamand — «Hałatasaraj», «Biešyktaš» i naš supiernik «Fienierbachče». Kamandu jašče časam nazyvajuć «žoŭtyja kanarejki». Aficyjnyja kolery kamandy — žoŭty i marski.
Kłub zasnavany bolš za sto hadoŭ tamu — u 1907. Chacia karaniami sychodzić jašče raniej, u kaniec XIX stahodździa, ale lehalizavacca tady było składana, bo sułtan Turcyi vystupaŭ suprać usialakich zboram ludziej pa intaresach, bo ličyŭ heta pahrozaj manarchii.
A voś zasnavalnik Tureckaj respubliki Mustafa Kiemal Ataciurk byŭ prychilnikam jakraz «Fienierbachče».
U 1928 hodzie jon padčas hulni «Hałatasaraja» i «Fienierbachče» jon siadzieŭ pobač z tryma prychilnikami pieršaha kłuba, i dvuma — «Fienierbachče». «Nas roŭnaja kolkaść. Try na try, — skazaŭ lidar. — Bo ja taksama za «Fienierbachče». Potym Ataciurk dapamahaŭ kłubu, kali zhareŭ ich ofis.
20:54
U Hrodna siońnia futbolny dzień. Adnojčy horad śviatoha Hubierta prymaŭ matč zbornaj, a siońnia hulnia jeŭrakubkaŭ. Stadyjon budzie bitkom. Pryčym jość zaŭziatary, jak z samoj Horadni, tak i vialiki desant pryziamliŭsia z Barysava. Horad
Adzinaja prablema fanataŭ u barach i kramach nie pradajuć ałkaholnyja napoi. Padpsavali haradziencam Dzień śviatoha Valancina.
***
Składy kamand. BATE: Harbunoŭ, Jurevič, Vaładźko, Radźkoŭ, Alaksandr Hleb (abviaščajučy jaho dyktar zrabiŭ asablivuju paŭzu), Bardačoŭ, Radzivonaŭ, Filipienka, Alachnovič, Baha, Rudzik.«Fienierbachče»: Vałkan Demierel, Korkzman, Irtehiun, Topał, Soŭ, Kiujt, Mereles, Krystyjan, Cyhler, Hioniul, Viebo.
Sudzić hulniu irłandziec Ałan Kieli.
***
Siońnia ŭ Hrodnie (pačatak u 21:00) projdzie pieršy matč 1/16 finału futbolnaj Lihi Jeŭropy pamiž barysaŭskim BATE i stambulskim «Fienierbachče».
BATE piać razoŭ zapar hulaŭ u hrupavych turnirach jeŭrakubkaŭ, ale tolki adzin raz vychodziŭ u
Jak budzie hetym razam?
Pieramožca pary ŭ nastupnaj stadyi zhulaje ź pieramožcam pary «Viktoryja» (Plzień, Čechija) — «Napali» (Nieapal, Italija).
Matč u adkaz projdzie praz tydzień u Stambule, pryčym UEFA abaviazaŭ «Fienierbachče» pravieści jaho pry pustych trybunach. Kłub pakarany za dziejańni zaŭziatataŭ padčas hulni z «Barusijaj» ź Mionchienhładbacha.
